Hógvær tíska Oddur Freyr Þorsteinsson skrifar 7. júní 2018 09:00 Hógvær tíska er orðin áberandi á alls kyns viðburðum. Vísir/getty Ný tegund af tísku hefur rutt sér til rúms á síðustu árum. Á ensku kallast hún „modest fashion“, eða „hógvær tíska“ á íslensku. Tískan gengur út á að sýna lítið hold og hefur sterk tengsl við menningu trúarbragða, en tekur á sig ýmsar myndir. Vinsældir hógværrar tísku hafa aukist verulega síðastliðinn áratug og nú er svo komið að stór tískufyrirtæki og alls kyns tískumerki eru farin að hanna og framleiða föt sem eru sérstaklega hugsuð sem hógvær tíska.Engin ein skilgreining Hógvær tíska hefur enga skýra skilgreiningu. Í kjarnann snýst hún um að hylja líkamann á meðvitaðan hátt eins og hverjum finnst þægilegt og klæðast víðum, þægilegum fötum en líta glæsilega út á sama tíma. Hver og einn hefur sína eigin skilgreiningu á því hvað er hógvært og sú skilgreining er að miklu leyti byggð á menningar- og trúarlegum bakgrunni. Þeir sem kjósa að klæða sig samkvæmt hógværri tísku gera það af ýmsum ástæðum. Ákvörðunin kann að vera tekin vegna trúar, menningar eða bara vegna þess að fólki finnst þetta flott og þægilegt. Nýr neytendahópur Ein af stóru ástæðunum fyrir því að hógvær tíska hefur sótt í sig veðrið er að múslimar á Vesturlöndum eyða mun meiru í tískuvörur og fatnað nú en áður. Það er að hluta vegna þess að margar ungar múslimakonur hafa mun meira eyðslufé á milli handanna í dag en áður, þar sem þær hafa komið út á vinnumarkaðinn í auknum mæli. Tískumerkin vilja að sjálfsögðu höfða til þessa stóra nýja neytendahóps. Á sama tíma hefur tískuheimurinn líka breyst. Nú er fjölbreytni orðin viðurkenndur hluti af tískunni, í stað þess að vera undantekningin. Fyrir vikið hafa tískufyrirtæki tekið að markaðssetja fjölbreyttari tískuvörur til að höfða til breiðari hóps viðskiptavina. Þó að hógvær tíska njóti mestra vinsælda hjá konum sem aðhyllast Íslam, getur hver sem er tileinkað sér hana. Sumir femínistar eru hrifnir af henni og telja hana valdeflandi og alls kyns konur hrífast af þessum stíl án þess að þekkja hann sem hógværa tísku.Ruba Zai með ofurfyrirsætunni Bellu Hadid og tískuhönnuðinum Alexander Wang.InstagramSterk tengsl við hijab Þar sem hógvær tíska er vinsælust hjá konum sem eru múslimar er hún nátengd tískunni í kringum höfuðklút múslima, sem kallast hijab. En þó að margir tengi þetta saman er hógvær tíska ekki í eðli sínu tíska múslima eða endilega tengd hijab-inu sjálfu. Ruba Zai er af afgönskum uppruna, hefur yfir milljón fylgjendur á Instagram og hefur tekið þátt í að móta tískuna í kringum hijab. Zai segir að þegar hún byrjaði að tala um tísku og stíl í tengslum við höfuðklútinn hafi enginn í tískuheiminum haft áhuga á hópnum sem notaði hann og sá hópur hafi að sama skapi ekki tengt við fötin sem komu frá þekktum tískumerkjum. Alls kyns merki taka þátt Fyrst markaðssettu tískufyrirtæki hógværa tísku í tengslum við ramadan, aðaltrúarhátíð múslima, en fljótlega fóru framleiðendur að bjóða þessar vörur allan ársins hring og auka úrvalið. Nú er hógvær tíska orðin áberandi á alls kyns tískuhátíðum og viðburðum. Merki eins og H&M, Uniqlo, Tommy Hilfiger, Zara, Nike og jafnvel Dolce & Gabbana eru farin að selja föt í þessum stíl og alls kyns mismunandi hijab-höfuðklúta. Þannig að hógvær tíska hefur fest sig í sessi og er hijab ekki vandræðagripur fyrir konur sem vilja tolla í tískunni, heldur mikilvægur hluti af klæðnaðinum. Birtist í Fréttablaðinu Tíska og hönnun Mest lesið Af vængjum fram: Búlgörsku mafíunni að mæta yrði Ásdísi dömpað Lífið „Eru endaþarmsmök hættuleg?“ Lífið Endurtekið hvött til að hvíla bláa litinn Lífið Gleðitár hjá hundrað konum á Geysi Lífið Magnesíum potturinn í Laugardalslaug snýr aftur! Lífið samstarf Baltasar og Sunneva afhjúpa kynið Lífið Inga Lind selur íbúð við Valshlíð Lífið Fundu föt við hæfi á síðustu stundu fyrir Cannes Bíó og sjónvarp Magnús Scheving og Hrefna glæsileg á opnun Sjálands Lífið Þessi lönd gáfu Íslandi stigin þrjú Lífið Fleiri fréttir Baltasar og Sunneva afhjúpa kynið Endurtekið hvött til að hvíla bláa litinn Gleðitár hjá hundrað konum á Geysi Af vængjum fram: Búlgörsku mafíunni að mæta yrði Ásdísi dömpað „Eru endaþarmsmök hættuleg?“ Biggi Maus breiðir yfir Frikka Dór Farnar á hestbak eins og hálfs og fjögurra ára Fleiri sniðgengu en ekki Von á ákæru eftir spennuþrungna daga í Malmö Inga Lind selur íbúð við Valshlíð „Þetta er náttúrulega sorgarsaga okkar Íslendinga“ Magnús Scheving og Hrefna glæsileg á opnun Sjálands Fann fíkniefnin strax Þátttaka Ísraela hafi skemmt mikið Ráðist á Steve Buscemi og hann fluttur á sjúkrahús Táraflóð í útgáfuteiti Bjarna Hlutu „Óskarinn“ í brúðkaupsskipulagningu Þessi skipuðu íslensku dómnefndina í Eurovision Herra Hnetusmjör hitti Akon: „Þeir vita sem vita“ Ari Bragi og Dóróthea eignuðust dreng Jón og Hafdís festu kaup á einbýli með bátaskýli Greindu frá kyninu á ströndinni Stjörnulífið: „Mér fannst mæðradagurinn alltaf triggerandi“ Þessi lönd gáfu Íslandi stigin þrjú „Það var algjört kossaflens í gangi í Breiðholtinu“ Leikkonan sem lék fyrsta fórnarlambið í Ókindinni er látin Fögnuðu heimkomu Nemo Kristrún ekki lengur á meðal ungs jafnaðarfólks Hellti sér yfir EBU að lokinni keppni Hundar mæta í vinnuna með eigendum sínum Sjá meira
Ný tegund af tísku hefur rutt sér til rúms á síðustu árum. Á ensku kallast hún „modest fashion“, eða „hógvær tíska“ á íslensku. Tískan gengur út á að sýna lítið hold og hefur sterk tengsl við menningu trúarbragða, en tekur á sig ýmsar myndir. Vinsældir hógværrar tísku hafa aukist verulega síðastliðinn áratug og nú er svo komið að stór tískufyrirtæki og alls kyns tískumerki eru farin að hanna og framleiða föt sem eru sérstaklega hugsuð sem hógvær tíska.Engin ein skilgreining Hógvær tíska hefur enga skýra skilgreiningu. Í kjarnann snýst hún um að hylja líkamann á meðvitaðan hátt eins og hverjum finnst þægilegt og klæðast víðum, þægilegum fötum en líta glæsilega út á sama tíma. Hver og einn hefur sína eigin skilgreiningu á því hvað er hógvært og sú skilgreining er að miklu leyti byggð á menningar- og trúarlegum bakgrunni. Þeir sem kjósa að klæða sig samkvæmt hógværri tísku gera það af ýmsum ástæðum. Ákvörðunin kann að vera tekin vegna trúar, menningar eða bara vegna þess að fólki finnst þetta flott og þægilegt. Nýr neytendahópur Ein af stóru ástæðunum fyrir því að hógvær tíska hefur sótt í sig veðrið er að múslimar á Vesturlöndum eyða mun meiru í tískuvörur og fatnað nú en áður. Það er að hluta vegna þess að margar ungar múslimakonur hafa mun meira eyðslufé á milli handanna í dag en áður, þar sem þær hafa komið út á vinnumarkaðinn í auknum mæli. Tískumerkin vilja að sjálfsögðu höfða til þessa stóra nýja neytendahóps. Á sama tíma hefur tískuheimurinn líka breyst. Nú er fjölbreytni orðin viðurkenndur hluti af tískunni, í stað þess að vera undantekningin. Fyrir vikið hafa tískufyrirtæki tekið að markaðssetja fjölbreyttari tískuvörur til að höfða til breiðari hóps viðskiptavina. Þó að hógvær tíska njóti mestra vinsælda hjá konum sem aðhyllast Íslam, getur hver sem er tileinkað sér hana. Sumir femínistar eru hrifnir af henni og telja hana valdeflandi og alls kyns konur hrífast af þessum stíl án þess að þekkja hann sem hógværa tísku.Ruba Zai með ofurfyrirsætunni Bellu Hadid og tískuhönnuðinum Alexander Wang.InstagramSterk tengsl við hijab Þar sem hógvær tíska er vinsælust hjá konum sem eru múslimar er hún nátengd tískunni í kringum höfuðklút múslima, sem kallast hijab. En þó að margir tengi þetta saman er hógvær tíska ekki í eðli sínu tíska múslima eða endilega tengd hijab-inu sjálfu. Ruba Zai er af afgönskum uppruna, hefur yfir milljón fylgjendur á Instagram og hefur tekið þátt í að móta tískuna í kringum hijab. Zai segir að þegar hún byrjaði að tala um tísku og stíl í tengslum við höfuðklútinn hafi enginn í tískuheiminum haft áhuga á hópnum sem notaði hann og sá hópur hafi að sama skapi ekki tengt við fötin sem komu frá þekktum tískumerkjum. Alls kyns merki taka þátt Fyrst markaðssettu tískufyrirtæki hógværa tísku í tengslum við ramadan, aðaltrúarhátíð múslima, en fljótlega fóru framleiðendur að bjóða þessar vörur allan ársins hring og auka úrvalið. Nú er hógvær tíska orðin áberandi á alls kyns tískuhátíðum og viðburðum. Merki eins og H&M, Uniqlo, Tommy Hilfiger, Zara, Nike og jafnvel Dolce & Gabbana eru farin að selja föt í þessum stíl og alls kyns mismunandi hijab-höfuðklúta. Þannig að hógvær tíska hefur fest sig í sessi og er hijab ekki vandræðagripur fyrir konur sem vilja tolla í tískunni, heldur mikilvægur hluti af klæðnaðinum.
Birtist í Fréttablaðinu Tíska og hönnun Mest lesið Af vængjum fram: Búlgörsku mafíunni að mæta yrði Ásdísi dömpað Lífið „Eru endaþarmsmök hættuleg?“ Lífið Endurtekið hvött til að hvíla bláa litinn Lífið Gleðitár hjá hundrað konum á Geysi Lífið Magnesíum potturinn í Laugardalslaug snýr aftur! Lífið samstarf Baltasar og Sunneva afhjúpa kynið Lífið Inga Lind selur íbúð við Valshlíð Lífið Fundu föt við hæfi á síðustu stundu fyrir Cannes Bíó og sjónvarp Magnús Scheving og Hrefna glæsileg á opnun Sjálands Lífið Þessi lönd gáfu Íslandi stigin þrjú Lífið Fleiri fréttir Baltasar og Sunneva afhjúpa kynið Endurtekið hvött til að hvíla bláa litinn Gleðitár hjá hundrað konum á Geysi Af vængjum fram: Búlgörsku mafíunni að mæta yrði Ásdísi dömpað „Eru endaþarmsmök hættuleg?“ Biggi Maus breiðir yfir Frikka Dór Farnar á hestbak eins og hálfs og fjögurra ára Fleiri sniðgengu en ekki Von á ákæru eftir spennuþrungna daga í Malmö Inga Lind selur íbúð við Valshlíð „Þetta er náttúrulega sorgarsaga okkar Íslendinga“ Magnús Scheving og Hrefna glæsileg á opnun Sjálands Fann fíkniefnin strax Þátttaka Ísraela hafi skemmt mikið Ráðist á Steve Buscemi og hann fluttur á sjúkrahús Táraflóð í útgáfuteiti Bjarna Hlutu „Óskarinn“ í brúðkaupsskipulagningu Þessi skipuðu íslensku dómnefndina í Eurovision Herra Hnetusmjör hitti Akon: „Þeir vita sem vita“ Ari Bragi og Dóróthea eignuðust dreng Jón og Hafdís festu kaup á einbýli með bátaskýli Greindu frá kyninu á ströndinni Stjörnulífið: „Mér fannst mæðradagurinn alltaf triggerandi“ Þessi lönd gáfu Íslandi stigin þrjú „Það var algjört kossaflens í gangi í Breiðholtinu“ Leikkonan sem lék fyrsta fórnarlambið í Ókindinni er látin Fögnuðu heimkomu Nemo Kristrún ekki lengur á meðal ungs jafnaðarfólks Hellti sér yfir EBU að lokinni keppni Hundar mæta í vinnuna með eigendum sínum Sjá meira