Sterling valinn leikmaður nóvembermánaðar

Raheem Sterling var valinn leikmaður nóvembermánaðar í ensku úrvalsdeildinni.

Sterling var í lykilhlutverki í öllum þremur deildarleikjum Manchester City í nóvember gegn Southampton, Manchester United og West Ham.

Hann skoraði sjálfur þrjú mörk í þessum þremur leikjum og átti þrjár stoðsendingar.

Sterling er samtals búinn að skora átta mörk á tímabilinu og gefa sjö stoðsendingar í 13 leikjum.

Síðustu daga hefur Sterling prýtt fyrirsagnir fjölmiðla á Englandi þar sem hann varð fyrir kynþáttaníði í leik Manchester City og Chelsea um síðustu helgi. Þykja viðbrögð Sterling við níðinu hafa verið til fyrirmyndar, en fjórir stuðningsmenn Chelsea hafa verið bannaðir frá Stamford Bridge á meðan rannsókn á málinu stendur yfir.