Grunuð um að hafa reynt að drepa tengdason sinn og afmá verksummerki Birgir Olgeirsson skrifar 22. nóvember 2018 16:34 Frá Akranesi FBL/GVA Kona á Akranesi er grunuð um tilraun til manndráps með því að hafa stungið tengdason sinn með hnífi aðfaranótt 10. nóvember síðastliðinn. Konan var handtekin á vettvangi en Héraðsdómur Vesturlands úrskurðaði hana í gæsluvarðhald til föstudagsins 14. desember. Hefur Landsréttur staðfest úrskurðinn.Í greinargerð lögreglustjórans á Vesturlandi, sem lesa má í úrskurðinumi, kemur fram að konan átti að gæta barnabarns síns, sem er dóttir mannsins sem varð fyrir manndrápstilrauninni. Atburðarásin er sögð hafa hafist vegna ölvunar konunnar sem er sökuð um að hafa stungið karlinn í brjóstkassa. Hún er einnig grunuð um að hafa reynt að hindra honum för af vettvangi með því að stinga á hjólbarða og talin hafa reynt að hreinsa vettvanginn af sönnunargögnum. Einnig er talið að hún hafi reynt að fela síma karlsins og spjaldtölvu. Karlinn gaf skýrslu hjá lögreglu en þar sagði hann konuna hafa drukkið áfengi á meðan hún gætti barns hans. Hringt hafði verið í lögregluna því að stúlkan hafði hringt í föður sinn og kvartað yfir ölvun ömmu sinnar.Vaknaði við öskur konunnar Karlinn sagði konuna hafa sakað sig um að hafa hringt í lögregluna og kvartað undan ölvun hennar. Hún sofnaði að lokum í sófanum í stofunni. Maðurinn sagðist hafa farið að sofa um klukkan tíu sama kvöld og þá hafi barnið verið sofnað. Hann vaknaði svo við það að konan var komin inn í herbergið og búin að kveikja ljós. Hún hafi öskrað að lögregluheimsóknin fyrr um kvöldið hefði verið honum að kenna. Karlinn sagðist hafa gengið að henni og ætlað að færa hana út úr herberginu en þá fundið stungu og honum hafi byrjað að blæða. Konan hafi þá gengið í burtu.Talin hafa fjarlægt síma á meðan hann var sofandi Karlinn sagðist þá hafa ætlað að hringja í sambýliskonu sína en ekki fundið símann sinn. Hann hefði farið inn í stofuna og hringt úr heimasímanum í farsímann. Þá hefði hann fundið farsímann og spjaldtölvuna sína undir sófanum í stofunni. Rannsókn lögreglu á símtölum í og úr farsíma mannsins styðja framburð hans. Tengdasonurinn fullyrðir að á meðan hann var sofandi hafi konan fjarlægt bæði símann og spjaldtölvuna úr svefnherberginu þar sem hann svaf. Hann sagðist hafa hringt í sambýliskonu sína, en á meðan hafi kærða ógnað sér með svörtum hnífi og öskrað á honum að þetta væri allt honum að kenna. Hann segir sambýliskonu sína hafa hringt í konuna, sem er móðir sambýliskonunnar, en hann hafi sjálfur farið í svefnherbergið og lokað sig af. Sambýliskonan lét síðan hringja eftir lögregluaðstoð.Stungið á hjólbarða Fyrir liggur að stungið var á tvo hjólbarða bíls karlsins, en bíllin stóð fyrir utan húsið. Liggur tengdamóðirin sterklega undir grun. Karlinn gekkst undir aðgerð á sjúkrahúsi. Hann var ekki talinn í lífshættu þó atlagan hafi verið hættuleg. Hann hafði verið stunginn með hníf í brjóstkassann og hnífurinn hafi stungist allt að 15 til 20 sentímetra inn í líkama hans. Sambýliskona mannsins gaf skýrslu hjá lögreglu þar sem hún staðfesti frásögn mannsins.Grunuð um að reyna koma sönnunargögnum undan Konan hefur tvisvar gefið skýrslu hjá lögreglu þar sem hún neitar sök en frásögn hennar er þó að mati lögreglustjórans á Vesturlandi óljós og mjög ófullkomin, auk þess sem framburður hennar stangast verulega á við annað sem fram hefur komið við rannsókn málsins. Lögreglustjórinn segir sterkan grun um að konan hafi ætlað sér að hindra manninn í að komast af vettvangi. Ógnandi hegðun hennar hafi orðið til þess að hann hafi lokað sig af inni í herbergi. Hnífstungnir hjólbarðar hafi komið í veg fyrir að bíllinn væri notaður. Einnig sé sterkur grunur um að konan hafi verið byrjuð að hreinsa vettvanginn eða koma sönnunargögnum undan en í bifreiðinni fyrir utan húsið hafi fundist hnífur og blóðug föt. Var það mat lögreglustjórans að það myndi særa réttarvitund almennings ef konan yrði látin laus og því með tilliti til almannahagsmuna ekki forsvaranlegt að hún gengi laus. Í bréfi læknis kemur fram að hnífurinn hafi runnið á rifjum fram hjá brjóstkassanum. Hafi árásin verið lífshættuleg og einungis heppni að hnífurinn hafi gengið niður á rif og runnið eftir rifjunum utan við brjóstholið. Hefði hann auðveldlega geta farið á milli rifja og inn í brjósthol og þá með mun alvarlegri afleiðingum. Lögreglumál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Litaðir seðlar til skoðunar og málið á mjög viðkvæmu stigi Innlent Forsetavaktin 2024: Hver verður sjöundi forseti lýðveldisins? Innlent Sagðist ætla að nota tíu milljón króna kókaín allt sjálfur Innlent Sér eftir Landsdómsmálinu: „Ég myndi aldrei gera þetta svona aftur“ Innlent „Hinsegin fólk þekkir vel að vera smættað niður í einkalíf sitt“ Innlent Íslenskar stjörnur fái peninga að gjöf til að leggja undir í veðmálum Innlent Hátíðardagskrá víða um land á verkalýðsdaginn Innlent Hjólastólinn í „tengdamömmuboxi“ á toppi bílsins Innlent Gæti dregið til tíðinda á næstu klukkustundum Innlent Rúður skotnar í spað í verslun innflytjenda Innlent Fleiri fréttir „Hinsegin fólk þekkir vel að vera smættað niður í einkalíf sitt“ Hátíðardagskrá víða um land á verkalýðsdaginn Litaðir seðlar til skoðunar og málið á mjög viðkvæmu stigi Sagðist ætla að nota tíu milljón króna kókaín allt sjálfur Arnór Sighvatsson settur varaseðlabankastjóri fjármálastöðugleika Sér eftir Landsdómsmálinu: „Ég myndi aldrei gera þetta svona aftur“ Íslenskar stjörnur fái peninga að gjöf til að leggja undir í veðmálum Hjólastólinn í „tengdamömmuboxi“ á toppi bílsins Gæti dregið til tíðinda á næstu klukkustundum Fallið frá ráðningarferli og Hermann fylgir Sigurði Inga Allt að fimm milljóna króna sekt á hvern fisk Gamla stjarnan þótti ekki henta nútímakröfum Ekkert eftirlit með veðmálasíðum, landris við Svartsengi og milljónasektir fyrir eldislax Facebook-hakkið hafi ekki áhrif á rannsóknina Hver er Kári Hansen? Nokkurra bíla árekstur á Miklubraut Hafa áhyggjur af fylgistapi flokksins Umferðartafir vegna elds í tengivagni Heimta hundrað milljóna króna tryggingu Engin merki um að kvikuhlaup sé hafið eða að hefjast Gæsluvarðhald beggja framlengt Rúður skotnar í spað í verslun innflytjenda Leggja til kröfu um sólarsellur á þaki nýbygginga Úrskurðaður í síbrotagæslu eftir ofsaaksturinn Svona var Pallborðið með Helgu Þóris og Eiríki Inga Birna sett sýslumaður á Vesturlandi Segir ekkert „dramatískt“ að frétta af eldgosinu Umdeildu frumvarpi um lagareldi breytt Matvælaráðherra segir fiskeldisfrumvarp mikla bragarbót fyrir umhverfið Quang Le hakkaður á Facebook Sjá meira
Kona á Akranesi er grunuð um tilraun til manndráps með því að hafa stungið tengdason sinn með hnífi aðfaranótt 10. nóvember síðastliðinn. Konan var handtekin á vettvangi en Héraðsdómur Vesturlands úrskurðaði hana í gæsluvarðhald til föstudagsins 14. desember. Hefur Landsréttur staðfest úrskurðinn.Í greinargerð lögreglustjórans á Vesturlandi, sem lesa má í úrskurðinumi, kemur fram að konan átti að gæta barnabarns síns, sem er dóttir mannsins sem varð fyrir manndrápstilrauninni. Atburðarásin er sögð hafa hafist vegna ölvunar konunnar sem er sökuð um að hafa stungið karlinn í brjóstkassa. Hún er einnig grunuð um að hafa reynt að hindra honum för af vettvangi með því að stinga á hjólbarða og talin hafa reynt að hreinsa vettvanginn af sönnunargögnum. Einnig er talið að hún hafi reynt að fela síma karlsins og spjaldtölvu. Karlinn gaf skýrslu hjá lögreglu en þar sagði hann konuna hafa drukkið áfengi á meðan hún gætti barns hans. Hringt hafði verið í lögregluna því að stúlkan hafði hringt í föður sinn og kvartað yfir ölvun ömmu sinnar.Vaknaði við öskur konunnar Karlinn sagði konuna hafa sakað sig um að hafa hringt í lögregluna og kvartað undan ölvun hennar. Hún sofnaði að lokum í sófanum í stofunni. Maðurinn sagðist hafa farið að sofa um klukkan tíu sama kvöld og þá hafi barnið verið sofnað. Hann vaknaði svo við það að konan var komin inn í herbergið og búin að kveikja ljós. Hún hafi öskrað að lögregluheimsóknin fyrr um kvöldið hefði verið honum að kenna. Karlinn sagðist hafa gengið að henni og ætlað að færa hana út úr herberginu en þá fundið stungu og honum hafi byrjað að blæða. Konan hafi þá gengið í burtu.Talin hafa fjarlægt síma á meðan hann var sofandi Karlinn sagðist þá hafa ætlað að hringja í sambýliskonu sína en ekki fundið símann sinn. Hann hefði farið inn í stofuna og hringt úr heimasímanum í farsímann. Þá hefði hann fundið farsímann og spjaldtölvuna sína undir sófanum í stofunni. Rannsókn lögreglu á símtölum í og úr farsíma mannsins styðja framburð hans. Tengdasonurinn fullyrðir að á meðan hann var sofandi hafi konan fjarlægt bæði símann og spjaldtölvuna úr svefnherberginu þar sem hann svaf. Hann sagðist hafa hringt í sambýliskonu sína, en á meðan hafi kærða ógnað sér með svörtum hnífi og öskrað á honum að þetta væri allt honum að kenna. Hann segir sambýliskonu sína hafa hringt í konuna, sem er móðir sambýliskonunnar, en hann hafi sjálfur farið í svefnherbergið og lokað sig af. Sambýliskonan lét síðan hringja eftir lögregluaðstoð.Stungið á hjólbarða Fyrir liggur að stungið var á tvo hjólbarða bíls karlsins, en bíllin stóð fyrir utan húsið. Liggur tengdamóðirin sterklega undir grun. Karlinn gekkst undir aðgerð á sjúkrahúsi. Hann var ekki talinn í lífshættu þó atlagan hafi verið hættuleg. Hann hafði verið stunginn með hníf í brjóstkassann og hnífurinn hafi stungist allt að 15 til 20 sentímetra inn í líkama hans. Sambýliskona mannsins gaf skýrslu hjá lögreglu þar sem hún staðfesti frásögn mannsins.Grunuð um að reyna koma sönnunargögnum undan Konan hefur tvisvar gefið skýrslu hjá lögreglu þar sem hún neitar sök en frásögn hennar er þó að mati lögreglustjórans á Vesturlandi óljós og mjög ófullkomin, auk þess sem framburður hennar stangast verulega á við annað sem fram hefur komið við rannsókn málsins. Lögreglustjórinn segir sterkan grun um að konan hafi ætlað sér að hindra manninn í að komast af vettvangi. Ógnandi hegðun hennar hafi orðið til þess að hann hafi lokað sig af inni í herbergi. Hnífstungnir hjólbarðar hafi komið í veg fyrir að bíllinn væri notaður. Einnig sé sterkur grunur um að konan hafi verið byrjuð að hreinsa vettvanginn eða koma sönnunargögnum undan en í bifreiðinni fyrir utan húsið hafi fundist hnífur og blóðug föt. Var það mat lögreglustjórans að það myndi særa réttarvitund almennings ef konan yrði látin laus og því með tilliti til almannahagsmuna ekki forsvaranlegt að hún gengi laus. Í bréfi læknis kemur fram að hnífurinn hafi runnið á rifjum fram hjá brjóstkassanum. Hafi árásin verið lífshættuleg og einungis heppni að hnífurinn hafi gengið niður á rif og runnið eftir rifjunum utan við brjóstholið. Hefði hann auðveldlega geta farið á milli rifja og inn í brjósthol og þá með mun alvarlegri afleiðingum.
Lögreglumál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Litaðir seðlar til skoðunar og málið á mjög viðkvæmu stigi Innlent Forsetavaktin 2024: Hver verður sjöundi forseti lýðveldisins? Innlent Sagðist ætla að nota tíu milljón króna kókaín allt sjálfur Innlent Sér eftir Landsdómsmálinu: „Ég myndi aldrei gera þetta svona aftur“ Innlent „Hinsegin fólk þekkir vel að vera smættað niður í einkalíf sitt“ Innlent Íslenskar stjörnur fái peninga að gjöf til að leggja undir í veðmálum Innlent Hátíðardagskrá víða um land á verkalýðsdaginn Innlent Hjólastólinn í „tengdamömmuboxi“ á toppi bílsins Innlent Gæti dregið til tíðinda á næstu klukkustundum Innlent Rúður skotnar í spað í verslun innflytjenda Innlent Fleiri fréttir „Hinsegin fólk þekkir vel að vera smættað niður í einkalíf sitt“ Hátíðardagskrá víða um land á verkalýðsdaginn Litaðir seðlar til skoðunar og málið á mjög viðkvæmu stigi Sagðist ætla að nota tíu milljón króna kókaín allt sjálfur Arnór Sighvatsson settur varaseðlabankastjóri fjármálastöðugleika Sér eftir Landsdómsmálinu: „Ég myndi aldrei gera þetta svona aftur“ Íslenskar stjörnur fái peninga að gjöf til að leggja undir í veðmálum Hjólastólinn í „tengdamömmuboxi“ á toppi bílsins Gæti dregið til tíðinda á næstu klukkustundum Fallið frá ráðningarferli og Hermann fylgir Sigurði Inga Allt að fimm milljóna króna sekt á hvern fisk Gamla stjarnan þótti ekki henta nútímakröfum Ekkert eftirlit með veðmálasíðum, landris við Svartsengi og milljónasektir fyrir eldislax Facebook-hakkið hafi ekki áhrif á rannsóknina Hver er Kári Hansen? Nokkurra bíla árekstur á Miklubraut Hafa áhyggjur af fylgistapi flokksins Umferðartafir vegna elds í tengivagni Heimta hundrað milljóna króna tryggingu Engin merki um að kvikuhlaup sé hafið eða að hefjast Gæsluvarðhald beggja framlengt Rúður skotnar í spað í verslun innflytjenda Leggja til kröfu um sólarsellur á þaki nýbygginga Úrskurðaður í síbrotagæslu eftir ofsaaksturinn Svona var Pallborðið með Helgu Þóris og Eiríki Inga Birna sett sýslumaður á Vesturlandi Segir ekkert „dramatískt“ að frétta af eldgosinu Umdeildu frumvarpi um lagareldi breytt Matvælaráðherra segir fiskeldisfrumvarp mikla bragarbót fyrir umhverfið Quang Le hakkaður á Facebook Sjá meira