Tónlist

Ný plata með Helga Björnssyni komin út

Stefán Árni Pálsson skrifar
Ný plata komin út með Holy B.
Ný plata komin út með Holy B.
Söngvarinn ástsæli Helgi Björnsson hefur gefið út nýja plötu sem ber heitið Ég stoppa hnöttinn með puttanum og inniheldur glæný lög, sem mestmegnis eru samin af þeim Helga Björnssyni, Guðmundi Óskari Guðmundssyni og Atla Bollasyni. 

Það er sama teymi og kom að laga - og textasmíðum á síðustu plötu Helga, Veröldin er ný.  Eitt laganna á nýju plötunni er samið af þeim Helga og Pétri Benediktssyni.

Heiti plötunnar vísar í samnefnt lag á plötunni.  Hugurinn leitar út í heim og er óvissan látin ráða því hvert farið er næst með því að stoppa hnöttinn með puttanum.

Fjöldi tónlistarmanna koma að gerð plötunnar, en þungamiðja hljóðfæraleiks er í höndum þessara:

Guðmundur Óskar Guðmundsson (bassi, hljómborð, raddir)

Örn Eldjárn (gítarar, raddir)

Tómas Jónsson (hljómborð)

Magnús Trygvason Eliassen (trommur)

Upptökur fóru fram fyrr á þessu ári í Hljóðrita, Masterkey Studios og í Studio Sjampó og upptökustjórn var í höndum Helga og Guðmundar Óskars.

Lagalistinn:

Einn af okkar allra bestu mönnum

Ég stoppa hnöttinn með puttanum

Vængir

Við dönsuðum á húsþökum

Strax í dag

Ástin sefar

Villingar

Bankarán

Platan er komin í helstu plötubúðir, tónlistarveitur og vefverslun aldamusic.is.

Plötuumslagið lítur svona út.
Hér fyrir neðan má svo hlusta á plötuna á Spotify.










Fleiri fréttir

Sjá meira


×