Fyrrverandi eiginkona söngvara Korn fannst látin

Deven Davis, fyrrverandi eiginkona Jonathan Davis, söngvara Korn, fannst látin fyrr í dag eftir að hafa verið saknað í viku. Hún varð 39 ára gömul.

Þau Deven og Jonathan Davis gengu í hjónaband árið 2004 en Jonathan sótti um skilnað í október 2016.

Jonathan hefur áður sagt að Deven hafi glímt við fíkniefnadjöfulinn í um tuttugu ár, en TMZ  greinir frá því að hún hafi yfirgefið meðferðarstofnun síðastliðinn föstudag og ekkert spurst til hennar síðan. Hún fannst látin fyrr í dag.

TMZ greinir einnig frá því að Jonathan Davis hafi nýverið farið fram á nálgunarbann gegn Deven og að dómari hafi úrskurðað að hún mætti tímabundið ekki hitta tvö börn þeirra Jonathan eða hund þeirra Chaos.

Ekki liggur fyrir hvað dró Deven til dauða.