Innlent

Fjársjóðsmenn fá leyfi til 10. júlí

Garðar Örn Úlfarsson skrifar
Rannsóknarskipið Seabed Worker yfir flaki Minden.
Rannsóknarskipið Seabed Worker yfir flaki Minden. LHG
Breska fyrirtækið Ad­vanced Marine Services hefur fengið framlengingu hjá Umhverfisstofnun á leyfi til að bjarga verðmætum úr flaki SS Minden til og með 10. júlí.

Upphaflega fékk AMS leyfi í fyrra til að athafna sig við flakið í samtals 72 klukkustundir fram á haust. Leiðangur þá bar ekki árangur og var veður­aðstæðum kennt um. Fyrirtækið fékk nýlega undanþágu umhverfisráðuneytisins til að halda verkinu áfram í aðrar 72 klukkustundir og var hafist handa á föstudag. Tímamörkin runnu út síðdegis á mánudag án þess að markmiðinu væri náð.

„Í fyrsta lagi hefur veðrið á svæðinu verið mun verra en hann átti von á og hefur hann þurft að stöðva verkefnið,“ útskýrir Lilja Jónasdóttir, lögmaður AMS, í bréfi til Umhverfisstofnunar. „Í öðru lagi liggur skipsflakið á miklu dýpi og það tekur langan tíma bara að komast að því og ljóst að umræddar 72 klukkustundir nægja því engan veginn þrátt fyrir að veður hefði ekki tafið verkefnið.“

Þá segir Lilja AMS gera athugasemdir vð þann skilning Landhelgisgæslunnar að fresturinn sem gefinn var hafi hafist þegar tækjabúnaður leiðangursins snerti vatn. AMS telji frestinn ekki hefjast fyrr en að skipsflakið er opnað. „Allra veðra er von á umræddu svæði og því miklar líkur á töfum við framkvæmd verksins,“ segir lögmaðurinn.

Talið mun vera að gull leynist í skápi í póstherbergi Minden. Miðað við stærð skápsins gæti rúmast í honum gull að andvirði yfir tíu milljarðar króna.




Tengdar fréttir

Aðstæður erfiðar yfir SS Minden

Rannsóknarskipið Seabed Worker hefur frá því síðdegis á föstudag verið á þeim slóðum þar sem flak flutningaskipsins SS Minden liggur hafsbotni 120 sjómílur undan Íslandsströndum.

Landhelgisgæslan fylgist með fjársjóðsleit

Varðskipið Þór og flugvél Landhelgisgæslunnar, TF-SIF, fylgdust í gær með vinnu rannsóknarskipsins Seabed Worker, en skipið kom inn í efnahagslögsöguna í gærmorgun.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.