Corden hættur að borða kjöt
Þáttastjórnandinn James Corden segist vera hættur að borða kjöt eftir að hafa lesið um meðferðina sem fílar þurfi að sæta.
„Ég fór í uppnám þegar ég las um dýravelferð meðan ég snæddi beikonsamloku,“ sagði Corden í samtali við Radio Times þar sem hann ræddi mataræðisbreytinguna.
„Ég hugsaði með mér: Veistu, þú getur ekki kvartað yfir meðferðinni á fílum þegar þér er alveg sama um svínin. Ég vona að ég nái að halda þessu til streitu, ég mun svo sannarlega reyna það.“
Þessa dagana er Corden að kynna nýjustu mynd sína, Ocean's 8, en að sögn breska ríkisútvarpsins þurfti hann að missa um 38 kíló fyrir hlutverkið. Það hafi hann til að mynda gert með mataræðisbreytingum og segir Corden að næsta skref sé að hætta algjörlega að borða fisk.
„Þetta er eitthvað sem ég geri skref fyrir skref,“ segir Corden.
Tengdar fréttir
Shawn Mendes og James Corden háðu grjótharða ábreiðukeppni
Kanadíska poppstjarnan Shawn Mendes var gestur hjá Bretanum James Corden í vikunni og lék hann þar á alls oddi.
Shawn Mendes myndi borga yfir 50 þúsund krónur fyrir skítugar Bieber nærbuxur
Breski þáttastjórnandinn James Corden er með einn vinsælasta dagskrá lið heims í spjallþætti sínum sem ber nafnið Carpool Karaoke.
Rúnturinn hjá Adam Levine og Corden breyttist í kappaksturskeppni
James Corden og Adam Levine skelltu sér saman á rúntinn í dagskráliðnum vinsæla Carpool Karaoke á dögunum og keyrðu þeir saman um Los Angeles.
