Shawn Mendes myndi borga yfir 50 þúsund krónur fyrir skítugar Bieber nærbuxur

Breski þáttastjórnandinn James Corden er með einn vinsælasta dagskrá lið heims í spjallþætti sínum sem ber nafnið Carpool Karaoke. Þá fær hann til sín þekkta listamenn og fer með þeim á rúntinn.

Á rúntinum er spjallað og síðan syngur Corden vinsælustu lög listamannanna, og með aðstoð þeirra.

Nýjasti gestur Corden er kanadíska poppstjarnan Shawn Mendes en þar kom í ljós að hann myndi borga um fimm hundruð dollara fyrir nærbuxur af Justin Bieber, en myndi líklega borga töluverða upphæð til að nærbuxur af Corden væru eins langt í burtu frá honum og mögulegt væri.

Mendes er íshokkímaður og reyndi að kenna Bretanum sportið, sem gekk ekkert sérstaklega vel.

Mendes er greinilega mikill Harry Potter aðdáandi eins og sjá má hér að neðan.