Nemum fækkar í Borgarfirði

Nemendur í Menntaskóla Borgarfjarðar hafa aldrei verið færri en í vetur. Þeir eru nú 112.

„Næsta skólaár gæti nemendafjöldi farið undir 100 þar sem næsti útskriftarárgangur er fámennur,“ segir í fundargerð fræðsluráðs Borgarbyggðar þar sem ræddar voru aðgerðir gegn brotthvarfi nemenda í framhaldsskólum.

Á hverju skólaári reynir námsráðgjafi í MB að finna þá nemendur sem eru í hættu á brotthvarfi. Það eru sögð vera um 6 prósent í MB sem sé töluvert minna en á landsvísu.

„Allir kennarar eru vel meðvitaðir um stöðu og líðan nemenda og er gripið til aðgerða ef með þarf. Andleg líðan nemenda virðist fremur orsök brotthvarfs en námserfiðleikar.“