Sean Dyche borðaði ánamaðka á æfingum

Djúpur raddrómur Sean Dyche er tilkominn vegna mikils ánamaðkaáts samkvæmt kenningu fyrrum liðsfélaga hans.

Soren Anderson lék með Dyche hjá Bristol City á síðustu árum tuttugustu aldar og hann sagði að Dyche hefði oft tekið ánamaðka upp af vellinum og borðað þá á æfingum.

„Þetta var ógeðslegt. Ég hef aldrei upplifað neitt þessu líkt. Hann sá maðk á jörðinni, sagði: „nei, hér er ánamaðkur,“ og borðaði hann svo,“ sagði Anderson í viðtali hjá danska hlaðvarpinu Fodboldministeriet.

„Hann var góður leikmaður og ég naut þess að spila með honum, en þetta með maðkana var mjög skrýtið.“

Rödd Dyche var orðin gróf strax á þeim árum og telur Anderson að það gæti orsakast vegna moldarinnar sem fylgir öllu ánamaðkaátinu. Djúpan róm Dyche má heyra í þessu viðtali hér að neðan.

How can you not love Sean Dyche?

Just listen to his refreshing interview on the key refereeing decisions today and Harry Kane's performance @deskellybts  pic.twitter.com/NfJfBgm0Yf

— Football on BT Sport (@btsportfootball) December 23, 2017