Diego til Katar í stað Birkis

Diego Jóhannesson hefur verið kallaður inn í íslenska landsliðshópinn fyrir æfingaleikina í Katar í stað Birkis Más Sævarssonar sem er meiddur.

Birkir Már meiddist í tapi Hammarby gegn Halmstad í sænsku úrvalsdeildinni í gær.

Diego spilar fyrir Real Oviedo í spænsku 1. deildinni. Hann á að baki einn landsleik fyrir Ísland, vináttulandsleik gegn Bandaríkjunum í janúar 2016.

Ísland mætir Tékkum og Katar í tveimur vináttulandsleikjum 8. og 14. nóvember næstkomandi.

@diegui_johan hefur verið kallaður í landsliðshópinn fyrir leikina tvo í Katar í stað @BirkirSaevars, sem er meiddur.

— Knattspyrnusambandið (@footballiceland) November 6, 2017