Hjálparsamtök í Eyjafirði fengu 2,5 milljóna króna styrk

Átta stéttarfélög í Eyjafirði afhentu fyrr í dag Mæðrastyrksnefnd Akureyrar, Hjálparstarfi kirkjunnar, Hjálpræðishernum og Rauða krossinum styrk að upphæð 2.530.000 kr.

Styrkurinn er notaður í samstarfsverkefni þessara fjögurra samtaka sem sett var á laggirnar til að einfalda það að sækja um aðstoð fyrir jólin, en nú þarf einungis að sækja um á einum stað. Rétt er að vekja athygli á því að þessir aðilar aðstoða fólk um allan Eyjafjörð, frá Fjallabyggð að Grenivík.

Er þetta í sjötta sinn sem samtök þessi taka höndum saman rétt fyrir jól og veita þeim aðstoð sem þurfa. Svipuðum fjölda styrkja var úthlutað í ár eins og á síðasta ári.

Félögin átta sem færðu samtökunum styrk eru: Eining-Iðja, Byggiðn – Félag byggingamanna, Félag málmiðnaðarmanna Akureyri, Félag verslunar- og skrifstofufólks Akureyri og nágrenni, Kjölur stéttarfélag starfsmanna í almannaþjónustu, Sjómannafélag Eyjafjarðar, Sjómannafélag Ólafsfjarðar og Berg félag stjórnenda.