Lífið

Langar að verða söngkona, mamma, leikkona, fimleikaþjálfari og flugfreyja

Gunnþóra Gunnarsdóttir skrifar
Eitt af því sem Möllu finnst skemmtilegt er að lesa bækur.
Eitt af því sem Möllu finnst skemmtilegt er að lesa bækur. Vísir/Anton Brink

Hún heitir Málfríður Inga Hjartardóttir og er kölluð Malla. Bráðum á hún afmæli, þá verður hún átta ára. Það verður 2. janúar 2018.

Malla á kött sem heitir Tómas sem er rosalega sætur en klórar stundum líka. „Hann er samt besti köttur í heimi,“ fullyrðir hún.

Hvert er uppáhaldsfagið þitt í skólanum og af hverju?
Það er svo erfitt að velja en mér finnst samt skemmtilegast í stærðfræði. Stærðfræðibækurnar, Sproti eru svo skemmtilegar.

Veist þú hvar fuglarnir eru á veturna?
Í útlöndum, allavega eru farfuglarnir þar.

Hvernig leikur þú þér helst?
Oftast erum við vinkonurnar í mömmó. Svo búum ég og Ásta vinkona mín stundum til leikrit sem við sýnum svo pabba mínum.

Hver er uppáhaldsmaturinn þinn?
Pizza.

Hvað horfir þú helst á í sjónvarpinu?
Barnaefni mest. Nú horfi líka á Jólastjörnuna, Ísskápastríð og svo Leitina að upprunanum.

Hvað er það klikkaðasta sem þú hefur gert?
Einu sinni var ég úti með vinkonu minni og var alltaf að þykjast detta. Það var mjög fyndið.

Býst þú við að föndra eitthvað fyrir jólin og þá helst hvað?
Já, ég var að föndra í skólanum um daginn. Ég gerði skál sem ég á eftir að klára.

Ertu farin að spá í hvað þig langar að verða þegar þú verður stór?
Já! Það er nefnilega rosalega margt. Til dæmis söngkona, mamma, leikkona, fimleikaþjálfari, kennari í skóla, vinna í sjónvarpi og flugfreyja.

Kanntu einhvern brandara sem þú getur sagt okkur?

Einu sinni voru tveir menn sem hétu Enginn og Þegiðu. Einu sinni datt Enginn útum gluggann. Þegiðu hringdi í lögguna og sagði, ‘Enginn datt útum gluggann!’
Þá sagði löggan: ‘Það er nú gott’
Þegiðu sagði aftur, ‘Enginn datt útum gluggann!’
Löggan svaraði, ‘Já, ég veit. En hvað heitir þú?’
‘Þegiðu’



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.