Aldraði ferðamaðurinn fundinn

Ferðamaðurinn Michael Roland Sasal sem lögreglan lýsti eftir fyrr í dag er fundinn.

Samkvæmt Gunnari Hilmarssyni aðalvarðstjóra hjá lögreglunni á höfuðborgarsvæðinu fannst maðurinn í góðu yfirlæti á hóteli í Keflavík fyrir skömmu. Lögreglan ætlar nú að koma manninum í samband við samferðakonu hans sem leitaði að honum.

Þau höfðu mælt sér mót á Hótel Kríunesi við Elliðavatn á fimmtudag en maðurinn mætti ekki. Maðurinn er ekki með síma meðferðis og auk þess notar hann ekki samfélagsmiðla svo erfitt var að komast í samband við hann. Konan leitaði því til lögreglunnar.