Þrjú í framboði til formanns Kennarasambandsins

Þrír hafa boðið sig fram til embættis formanns Kennarasambands Íslands en framboðsfrestur rann út á miðnætti á laugardag.

Þau sem hafa boðið sig fram eru Guðríður Arnardóttir, formaður Félags framhaldsskólakennara, Ólafur Loftsson, formaður Félags grunnskólakennara, og Ragnar Þór Pétursson, grunnskólakennari í Norðlingaskóla.

Í frétt á vef sambandsins segir að rafræn allsherjaratkvæðagreiðsla fari fram dagana 1. til 7. nóvember.

Nýr formaður tekur svo við embætti á 7. þingi Kennarasambands Íslands í apríl á næsta ári.

Þórður Hjaltested er núverandi formaður Kennarasambandsins.