Indverskur fréttamaður skotinn til bana

Gari Lankesh, ritstjóri indverska vikublaðsins Lankesh Patrike, fannst látin á heimili sínu í Bengaluru í dag. Lögreglan telur ljóst að hún hafi verið skotin til bana. Reuters greinir frá.

Lankesh var þekkt fyrir að gagnrýna hugmyndafræði hægri manna og beindi hún skrifum sínum ósjaldan að stjórnmálamönnum sem fylgdu þeirri stefnu. Þá gagnrýndi hún einnig öfga-hindúisma og taldi að margir Indverjar væru of trúaðir.

Stjórnmálamenn, fréttamenn og aðgerðarinnar á Indlandi hafa lýst yfir mikilli reiði í dag og sagt morðið vera ógn við mál- og skoðanafrelsi í landinu.

Ríkisstjóri Karnataka, Siddaramaiah, sagði að morðið væri morð á lýðræði.