Endurupptökunefnd verður lögð niður

Endurupptökunefnd verður lögð niður verði frumvarp dómmálaráðherra um dómstóla að lögum. Samkvæmt frumvarpinu verður þess í stað settur á fót sérdómstóll sem hefur það hlutverk að skera úr um hvort dæmd mál skuli endurupptekin.

 

Þá er lagt til í drögum að frumvarpinu að skilyrði fyrir endurupptöku einkamáls verði rýmkuð og að heimilt verði að óska eftir endurupptöku einkamáls oftar en einu sinni.

 

Ráðherra fól réttarfarsnefnd  í júní í fyrra að taka ákvæði um endurupptöku dómsmála til skoðunar. Nýlega kynnti nefndin svo ráðherra drög að nýju frumvarpi og hafa þau verið kynnt á vef ráðuneytisins núna.