Viðtal við Kathy Eldon - Sköpunargleðin sem lífstíll

Frumkvöðullinn Kathy Eldon missti son sinn, Dan Eldon, þegar hann var aðeins 22 ára gamall. Æstur lýður myrti Dan og þrjá aðra fréttamenn í sómölsku borginni Mógadisjú eftir að 80 óbreyttir borgarar féllu í árás bandaríkjahers. Dan var staddur í Sómalíu til að fanga hörmungar sómölsku þjóðarinnar á filmu fyrir fréttaveituna Reuters.

Síðan þá hefur Kathy haldið uppi minningu hans með því að hvetja fólk til að virkja sköpunarkraftinn og lifa skapandi lífi, rétt eins og Dan gerði. Kathy stofnaði samtökin Creative Visions ásamt dóttur sinni í kjölfar harmleiksins en sjóðurinn hefur í dag hjálpað listamönnum og blaðamönnum um allan heim að uppfylla markmið sín.

Rætt verður við Kathy Eldon um í kvöldfréttum Stöðvar 2 klukkan 18:30 á samtengdum rásum Stöðvar 2 og Bylgjunnar og í beinni útsendingu á fréttavefnum Vísi.