Utangarðsmaðurinn sem varð móðins Samúel Karl Ólason skrifar 10. nóvember 2016 12:00 Mike Pence og eiginkona hans Karen. Vísir/GEtty Donald Trump verður næsti forseti Bandaríkjanna og Mike Pence verður varaforseti hans. Mikið hefur verið skrifað um Donald Trump, en hann hefur verið í sviðljósinu í marga áratugi, en hins vegar er ekki víst að margir Íslendingar viti hver Mike Pence er.Mike Pence er 57 ára gamall og ríkisstjóri í Indiana. Hann hefur lengi komið að stjórnmálum en hefur verið lítið þekktur utan Repúblikanaflokksins og Indiana. Foreldrar hans skilgreindu sig sem demókrata en seinna á ævinni frelsaðist Pence og færði sig til hægri á stjórnmálaskalanum og hann fór nánast eins langt til hægri og hann gat. Hann reyndi tvisvar sinnum að komast á þing árin 1988 og 1990 en það tókst ekki. Þá varð hann þáttastjórnandi í útvarpi og líkti sjálfum sér við Rush Limbaugh. Hann komst svo á þing árið 2001. Hann er íhaldssamur og hefur lengi talað fyrir því að draga úr útgjöldum ríkisins.Utangarðs í fyrstu Í byrjun var Pence utangarðsmaður innan Repúblikanaflokksins. Hann var einn af fyrstu stuðningsmönnum Teflokksins og gagnrýndi forystu flokksins harðlega. Árið 2006 bauð hann sig fram til embættis forseta þingsins en tapaði illa gegn John Boehner. Skoðanir hans hafa ekki breyst frá frelsun hans en hins vegar hefur viðhorf Repúblikanaflokksins færst lengra til hægri með upprisu teflokksins og sífellt meiri andstöðu gegn Barack Obama. Pence er ekki lengur utangarðsmaður innan flokksins. Í byrjun kosningabaráttunnar lýsti Pence yfir stuðningi við Ted Cruz og sagði tillögur Trump að banna múslimum að koma til Bandaríkjanna vera „móðgandi og gegn stjórnarskránni“.Seeker Daily um Pence Mike Pence er verulega andvígur fóstureyðingum og hefur ítrekað lýst sig andvígan Planned Parenthood (PP), sem framkvæma fóstureyðingar og útvega konum margskonar heilbrigðisþjónustu. PP hefur verið styrkt af ríkinu, en Pence hefur eytt miklu púðri frá árinu 2007 í að reyna að stöðva fjárveitingarnar. Á endanum fylgdu aðrir þingmenn og árið 2011 var frumvarp um stöðvun fjárveitinga til Planned Parenthood samþykkt á þinginu. Það varð þó aldrei að lögum vegna mótstöðu demókrata. Í byrjun þessa árs skrifaði Pence undir umdeild lög í Indiana þar sem fóstureyðingar, vegna litningagalla voru bannaðar og var greftrun eða brennsla látinna fóstra skilyrt.Umdeild lagasetning Pence hefur einnig barist gegn réttindum LGBT-fólks. Hann skrifaði undir lög í fyrra sem gerðu verslunareigendum í Indiana kleift að neita LGBT-fólki um afgreiðslu. Lögin leiddu til mikilla mótmæla og hótuðu jafnvel heilu fyrirtækin að sniðganga ríkið vegna laganna. Á endanum bætti Pence við lögin að ekki mætti nota þau til að mismuna fólki. Árið 2000, þegar Pence var að bjóða sig fram til þingsetu í þriðja sinn, birti hann lista yfir helstu málefni sín á vefsvæði sínu. Þar kemur fram að hann vildi meðal annars að dómarar sem tilnefndir væru af yfirvöldum myndu styðja „hefðbundin fjölskyldugildi“ og helgi lífs. Hann vildi að líf fóstra yrði tryggt í stjórnarskrá Bandaríkjanna.Á móti hjónaböndum samkynhneigðra Það sem hann vildi einnig var að þing Bandaríkjanna myndi beita sér fyrir því að draga úr óléttu ógiftra kvenna og styrkja stoðir hjónabanda. Hin hefðbundna tveggja foreldra fjölskylda væri kjarni bandarískrar siðmenningar. Þingið ætti að beita sér fyrir því að gera fjölskyldum auðveldara að lifa á tekjum eins aðila, svo annað foreldrið gæti valið að vinna heima fyrir. Pence vildi þó einnig að þingið stæði í vegi fyrir öllum tilraunum til að gefa hjónaböndum samkynhneigðra sömu lagastöðu og hjónabandi konu og karls. Þingið ætti einnig að koma í veg fyrir að samkynhneigt fólk yrði skilgreint sem minnihluti og fengi þar með vernd mismununar- og hatursglæpalaga í Bandaríkjunum. Þá sagði Pence að ríkið ætti ekki að styðja endurupptöku Ryan White Care Act, án breytinga. RWCA snýr að styrkveitingum til að bæta heilbrigðisþjónustu einstaklinga með HIV. Meðal þeirra breytinga sem Pence fór fram á var að engir fjármunir yrðu veittir til samtaka sem „fagna og ýta undir þá tegund hegðunar sem auðveldar dreifingu HIV veirunnar“. Þess í stað ætti að nota fjármunina til að aðstoða fólk sem vilji „breyta kynhegðun sinni“.Sagði reykingar ekki drepa Sama ár, 2000, birti Pence grein þar sem hann sagðist ekki trúa því að reykingar drægju fólk til dauða. „Þrátt fyrir alla móðursýkina meðal stjórnmálamanna og fjölmiðla, drepa reykingar ekki. Staðreyndin er sú að tveir af hverjum þremur reykingamönnum deyja ekki vegna veikinda sem tengjast reykingum og níu af hverjum tíu reykingamönnum fá ekki lungnakrabbamein,“ skrifaði Pence. Sóttvarnarstofnun Bandaríkjanna segir hins vegar að rúmlega 480 þúsund manns deyji árlega þar í landi vegna reykinga og lífstími þeirra sem reykja eru að meðaltali tíu árum styttri en annars.Brúar bilið á milli flokksins og Trump Mike Pence er, samkvæmt New York Times, allt sem Donald Trump er ekki. Hann hefur varið mörgum árum innan stjórnmála og verið þingmaður og ríkisstjóri. Íhaldsmenn líta upp til hans vegna sterkrar trúar hans og mótspyrnu hans gegn auknu samfélagslegu frjálslyndi. Þeir Pence og Trump eru sammála um margt, eins og fóstureyðingar og byssueign. Hins vegar hefur Pence talað fyrir aukinni valdbeitingu gegn Rússlandi og eins og áður hefur komið fram var hann á móti uppástungu Trump um að banna múslimum að koma til Bandaríkjanna. Pence hefur varið undanförnum mánuðum í að reyna að sameina Repúblikanaflokkinn í kringum Donald Trump þar sem sambandið hefur verið stirt og hefur einnig fengið það verkefni að vera rödd skynseminnar í framboði Trump. Þeir félagar munu funda með Paul Ryan leiðtoga flokksins í dag. Donald Trump Forsetakosningar í Bandaríkjunum Mest lesið María Sigrún látin fara úr Kveik Innlent Ætlar í aðra undirskriftasöfnun Innlent Halla Hrund mælist með mest fylgi allra frambjóðenda Innlent Svona var stemmningin á lokaspretti forsetaefnanna í Hörpu Innlent Svona var Pallborðið með Arnari Þór, Ásdísi Rán og Ástþóri Innlent „Ef ég get flogið þremur gerðum af þyrlum þá get ég tekið ákvörðun fyrir þjóðina“ Innlent Dregur framboðið til baka Innlent „Ísdrottningin myndi bráðna ef hér kæmi kjarnorkusprengja“ Innlent Mikil tíðindi í glænýrri könnun Innlent Viktor stal senunni: Hefði ekki haft tíma til að safna ef hann væri í vinnu Innlent Fleiri fréttir Rýma dómshús vegna sprengjuhótunar Dómstóll fyrirskipar handtöku landbúnaðarráðherra Selenskís Ákvörðun áfrýjunardómstólsins áfall og stórt skref aftur á bak Trump líklegur til að græða á úrskurði Hæstaréttar Dómi Harvey Weinstein snúið við Tekur fyrir að hafa verið „hermaður Hitlers“ Maður á sextugsaldri sagður hafa stungið grunnskóladreng Sánchez íhugar að segja af sér vegna meintrar spillingar Spaðar Rauðu myllunnar hrundu til jarðar í nótt Skipulögðu árásir í Þýskalandi og víðar í nafni ISKP Fyrstu hergögnin eiga að berast til Úkraínu á næstu klukkustundum Segir ekki af sér þrátt fyrir njósnir aðstoðarmannsins Aðstoðarvarnarmálaráðherra ákærður fyrir mútuþægni Upptök eldsins í gömlu kauphöllinni enn ókunn Settur út af sakramentinu fyrir að stýra minningarstund um Navalní Handtóku barnunga öfgamenn eftir stunguárás í Sydney Ekki ólöglegt fyrir konur að brjóta gegn körlum Grunuð um að hafa banað tveimur börnum Vitni greinir frá ráðabruggi og lögmaður Trump fær viðvörun Öldungadeildin samþykkti 95 milljarða dala aðstoð við Úkraínu, Ísrael og Taívan Reyna að sigla um geiminn á geislum sólarinnar Lýsa yfir áhyggjum af fregnum af fjöldagröfum á Gasa Fá aftur gögn frá tæplega hálfrar aldar gömlu geimfari Umdeildur flutningur á hælisleitendum til Rúanda samþykktur Starfsmaður hægrijaðarflokks handtekinn fyrir njósnir fyrir Kína Gera alvarlegar athugasemdir við verðlaunakerfi Tik Tok Tugir handteknir á mótmælum háskólanema gegn aðgerðum Ísraels Undirbúa stærðarinnar sendingar til Úkraínu Engin sönnunargögn bendla UNRWA við árásina Hættu við umfangsmiklar árásir á Íran Sjá meira
Donald Trump verður næsti forseti Bandaríkjanna og Mike Pence verður varaforseti hans. Mikið hefur verið skrifað um Donald Trump, en hann hefur verið í sviðljósinu í marga áratugi, en hins vegar er ekki víst að margir Íslendingar viti hver Mike Pence er.Mike Pence er 57 ára gamall og ríkisstjóri í Indiana. Hann hefur lengi komið að stjórnmálum en hefur verið lítið þekktur utan Repúblikanaflokksins og Indiana. Foreldrar hans skilgreindu sig sem demókrata en seinna á ævinni frelsaðist Pence og færði sig til hægri á stjórnmálaskalanum og hann fór nánast eins langt til hægri og hann gat. Hann reyndi tvisvar sinnum að komast á þing árin 1988 og 1990 en það tókst ekki. Þá varð hann þáttastjórnandi í útvarpi og líkti sjálfum sér við Rush Limbaugh. Hann komst svo á þing árið 2001. Hann er íhaldssamur og hefur lengi talað fyrir því að draga úr útgjöldum ríkisins.Utangarðs í fyrstu Í byrjun var Pence utangarðsmaður innan Repúblikanaflokksins. Hann var einn af fyrstu stuðningsmönnum Teflokksins og gagnrýndi forystu flokksins harðlega. Árið 2006 bauð hann sig fram til embættis forseta þingsins en tapaði illa gegn John Boehner. Skoðanir hans hafa ekki breyst frá frelsun hans en hins vegar hefur viðhorf Repúblikanaflokksins færst lengra til hægri með upprisu teflokksins og sífellt meiri andstöðu gegn Barack Obama. Pence er ekki lengur utangarðsmaður innan flokksins. Í byrjun kosningabaráttunnar lýsti Pence yfir stuðningi við Ted Cruz og sagði tillögur Trump að banna múslimum að koma til Bandaríkjanna vera „móðgandi og gegn stjórnarskránni“.Seeker Daily um Pence Mike Pence er verulega andvígur fóstureyðingum og hefur ítrekað lýst sig andvígan Planned Parenthood (PP), sem framkvæma fóstureyðingar og útvega konum margskonar heilbrigðisþjónustu. PP hefur verið styrkt af ríkinu, en Pence hefur eytt miklu púðri frá árinu 2007 í að reyna að stöðva fjárveitingarnar. Á endanum fylgdu aðrir þingmenn og árið 2011 var frumvarp um stöðvun fjárveitinga til Planned Parenthood samþykkt á þinginu. Það varð þó aldrei að lögum vegna mótstöðu demókrata. Í byrjun þessa árs skrifaði Pence undir umdeild lög í Indiana þar sem fóstureyðingar, vegna litningagalla voru bannaðar og var greftrun eða brennsla látinna fóstra skilyrt.Umdeild lagasetning Pence hefur einnig barist gegn réttindum LGBT-fólks. Hann skrifaði undir lög í fyrra sem gerðu verslunareigendum í Indiana kleift að neita LGBT-fólki um afgreiðslu. Lögin leiddu til mikilla mótmæla og hótuðu jafnvel heilu fyrirtækin að sniðganga ríkið vegna laganna. Á endanum bætti Pence við lögin að ekki mætti nota þau til að mismuna fólki. Árið 2000, þegar Pence var að bjóða sig fram til þingsetu í þriðja sinn, birti hann lista yfir helstu málefni sín á vefsvæði sínu. Þar kemur fram að hann vildi meðal annars að dómarar sem tilnefndir væru af yfirvöldum myndu styðja „hefðbundin fjölskyldugildi“ og helgi lífs. Hann vildi að líf fóstra yrði tryggt í stjórnarskrá Bandaríkjanna.Á móti hjónaböndum samkynhneigðra Það sem hann vildi einnig var að þing Bandaríkjanna myndi beita sér fyrir því að draga úr óléttu ógiftra kvenna og styrkja stoðir hjónabanda. Hin hefðbundna tveggja foreldra fjölskylda væri kjarni bandarískrar siðmenningar. Þingið ætti að beita sér fyrir því að gera fjölskyldum auðveldara að lifa á tekjum eins aðila, svo annað foreldrið gæti valið að vinna heima fyrir. Pence vildi þó einnig að þingið stæði í vegi fyrir öllum tilraunum til að gefa hjónaböndum samkynhneigðra sömu lagastöðu og hjónabandi konu og karls. Þingið ætti einnig að koma í veg fyrir að samkynhneigt fólk yrði skilgreint sem minnihluti og fengi þar með vernd mismununar- og hatursglæpalaga í Bandaríkjunum. Þá sagði Pence að ríkið ætti ekki að styðja endurupptöku Ryan White Care Act, án breytinga. RWCA snýr að styrkveitingum til að bæta heilbrigðisþjónustu einstaklinga með HIV. Meðal þeirra breytinga sem Pence fór fram á var að engir fjármunir yrðu veittir til samtaka sem „fagna og ýta undir þá tegund hegðunar sem auðveldar dreifingu HIV veirunnar“. Þess í stað ætti að nota fjármunina til að aðstoða fólk sem vilji „breyta kynhegðun sinni“.Sagði reykingar ekki drepa Sama ár, 2000, birti Pence grein þar sem hann sagðist ekki trúa því að reykingar drægju fólk til dauða. „Þrátt fyrir alla móðursýkina meðal stjórnmálamanna og fjölmiðla, drepa reykingar ekki. Staðreyndin er sú að tveir af hverjum þremur reykingamönnum deyja ekki vegna veikinda sem tengjast reykingum og níu af hverjum tíu reykingamönnum fá ekki lungnakrabbamein,“ skrifaði Pence. Sóttvarnarstofnun Bandaríkjanna segir hins vegar að rúmlega 480 þúsund manns deyji árlega þar í landi vegna reykinga og lífstími þeirra sem reykja eru að meðaltali tíu árum styttri en annars.Brúar bilið á milli flokksins og Trump Mike Pence er, samkvæmt New York Times, allt sem Donald Trump er ekki. Hann hefur varið mörgum árum innan stjórnmála og verið þingmaður og ríkisstjóri. Íhaldsmenn líta upp til hans vegna sterkrar trúar hans og mótspyrnu hans gegn auknu samfélagslegu frjálslyndi. Þeir Pence og Trump eru sammála um margt, eins og fóstureyðingar og byssueign. Hins vegar hefur Pence talað fyrir aukinni valdbeitingu gegn Rússlandi og eins og áður hefur komið fram var hann á móti uppástungu Trump um að banna múslimum að koma til Bandaríkjanna. Pence hefur varið undanförnum mánuðum í að reyna að sameina Repúblikanaflokkinn í kringum Donald Trump þar sem sambandið hefur verið stirt og hefur einnig fengið það verkefni að vera rödd skynseminnar í framboði Trump. Þeir félagar munu funda með Paul Ryan leiðtoga flokksins í dag.
Donald Trump Forsetakosningar í Bandaríkjunum Mest lesið María Sigrún látin fara úr Kveik Innlent Ætlar í aðra undirskriftasöfnun Innlent Halla Hrund mælist með mest fylgi allra frambjóðenda Innlent Svona var stemmningin á lokaspretti forsetaefnanna í Hörpu Innlent Svona var Pallborðið með Arnari Þór, Ásdísi Rán og Ástþóri Innlent „Ef ég get flogið þremur gerðum af þyrlum þá get ég tekið ákvörðun fyrir þjóðina“ Innlent Dregur framboðið til baka Innlent „Ísdrottningin myndi bráðna ef hér kæmi kjarnorkusprengja“ Innlent Mikil tíðindi í glænýrri könnun Innlent Viktor stal senunni: Hefði ekki haft tíma til að safna ef hann væri í vinnu Innlent Fleiri fréttir Rýma dómshús vegna sprengjuhótunar Dómstóll fyrirskipar handtöku landbúnaðarráðherra Selenskís Ákvörðun áfrýjunardómstólsins áfall og stórt skref aftur á bak Trump líklegur til að græða á úrskurði Hæstaréttar Dómi Harvey Weinstein snúið við Tekur fyrir að hafa verið „hermaður Hitlers“ Maður á sextugsaldri sagður hafa stungið grunnskóladreng Sánchez íhugar að segja af sér vegna meintrar spillingar Spaðar Rauðu myllunnar hrundu til jarðar í nótt Skipulögðu árásir í Þýskalandi og víðar í nafni ISKP Fyrstu hergögnin eiga að berast til Úkraínu á næstu klukkustundum Segir ekki af sér þrátt fyrir njósnir aðstoðarmannsins Aðstoðarvarnarmálaráðherra ákærður fyrir mútuþægni Upptök eldsins í gömlu kauphöllinni enn ókunn Settur út af sakramentinu fyrir að stýra minningarstund um Navalní Handtóku barnunga öfgamenn eftir stunguárás í Sydney Ekki ólöglegt fyrir konur að brjóta gegn körlum Grunuð um að hafa banað tveimur börnum Vitni greinir frá ráðabruggi og lögmaður Trump fær viðvörun Öldungadeildin samþykkti 95 milljarða dala aðstoð við Úkraínu, Ísrael og Taívan Reyna að sigla um geiminn á geislum sólarinnar Lýsa yfir áhyggjum af fregnum af fjöldagröfum á Gasa Fá aftur gögn frá tæplega hálfrar aldar gömlu geimfari Umdeildur flutningur á hælisleitendum til Rúanda samþykktur Starfsmaður hægrijaðarflokks handtekinn fyrir njósnir fyrir Kína Gera alvarlegar athugasemdir við verðlaunakerfi Tik Tok Tugir handteknir á mótmælum háskólanema gegn aðgerðum Ísraels Undirbúa stærðarinnar sendingar til Úkraínu Engin sönnunargögn bendla UNRWA við árásina Hættu við umfangsmiklar árásir á Íran Sjá meira