Kvöldfréttir Stöðvar 2: Faðir Einars Arnar segir sína skoðun

Uppreist æru Atla Helgasonar hefur vakið mikla athygli og sýnist sitt hverjum í baráttu hans fyrir því að endurheimta lögmannsréttindi sín. Atli var árið 2001 dæmdur í sextán ára fyrir morðið á vini sínum og viðskiptafélaga, Einari Erni Birgissyni.

Birgir Örn Birgisson, faðir Einars Arnar, sagði í Fréttablaðinu í morgun að fjölskyldunni hafi verið brugðið við tíðindin. Atli hefði aldrei sýnt neina iðrun vegna morðsins.

„Þetta er bara eins og blaut tuska framan í andlitið á manni, það er ekkert öðruvísi,“ sagði Birgir Örn.

Rætt verður við Birgi Örn í kvöldfréttum Stöðvar 2 og hann verður svo gestur Andra Ólafssonar og Margrétar Erlu Maack í beinni útsendingu í Íslandi í dag klukkan 18:55, strax að loknum kvöldfréttum.

Kvöldfréttir og Ísland í dag eru líkt og ávallt í opinni dagskrá.