Nýtt myndband frá Lady Gaga: Tekur kynferðisofbeldi fyrir á áhrifaríkan hátt

Söngkonan Lady Gaga gaf nýverið út nýtt tónlistarmyndband við lagið „Til it happens to you“ sem vakið hefur vægast sagt mikla athygli. Það fjallar á áhrifaríkan hátt um kynferðisofbeldi og er samið sérstaklega fyrir heimildarmyndina „The Hunting Ground“, sem fjallar um nauðganir í háskólum.

Lagy Gaga vill með myndbandinu hvetja þolendur kynferðisofbeldis til að standa saman og segja frá.

We hope u feel our love&solidarity through the song & perhaps find some peace in knowing u r not alone through this film #TilItHappensToYou

— Lady Gaga (@ladygaga) September 18, 2015

Samkvæmt nýlegri rannsókn segjast rúmlega tuttugu og þrjú prósent kvenkyns háskólanema í Bandaríkjunum hafa orðið fyrir kynferðisofbeldi og um 5,4 prósent karlkyns háskólanema. Könnunin er ein sú umfangsmesta sinnar tegundar.

Um 9,4 milljónir hafa horft á tónlistarmyndbandið á innan við viku. Það má sjá hér fyrir neðan, en vert er að vara viðkvæma við myndbandinu.