Smyglaði hundunum til Ástralíu

Leikarinn Johnny Depp smyglaði hundunum sínum tveimur, Pistol og Boo, inn í Ástralíu í vikunni. Þegar upp komst um atburðinn, var leikaranum gert skylt að senda þá aftur til Bandaríkjanna, annars yrði að lóga þeim báðum. Talið er að leikarinn hafi sett báða hundana í íþróttatösku og þannig hafi hann komið þeim óséðum til Ástralíu. Hann hefur nú sent hundana báða til Bandaríkjanna aftur. Er Depp enn í Ástralíu, ásamt eiginkonu sinni, Amber Heard, þar sem hann er að taka upp myndina Pirates of the Caribbean 5: Dead Men Tell No Tales.