Sandra verði nýr sveitarstjóri

Meirihluti sveitarstjórnar Skaftárhrepps hyggst ráða Söndru Brá Jóhannsdóttur sem sveitarstjóra. Sandra er úr Skaftárhreppi og hefur meðal annars verið verkefnisstjóri hjá Nýsköpunarmiðstöð Íslands.

Fulltrúar minnihluta Ó-listans sögðust sitja hjá við ráðninguna þar sem ekki hefði verið haft samráð við þá er Eygló Kristjánsdóttur, fyrrverandi sveitarstjóra, var sagt upp og þeir „ekki fengið viðhlítandi skýringar á þeim gjörningi“. Þetta hefði þó ekkert að gera með afstöðu þeirra til verðandi sveitarstjóra, Söndru Brár Jóhannsdóttur.