Æfingaskýli ekki pútthús án leyfis

„Við erum að ganga frá þessu og þetta fer inn til byggingarfulltrúa jafnvel í þessari viku,“ segir Ólafur Þór Ágústsson, framkvæmdastjóri Golfklúbbsins Keilis, um byggingu á svæði félagsins sem skortir leyfi fyrir. Byggingarfulltrúi boðar dagsektir verði uppdráttum ekki skilað eða mannvirkið fjarlægt.

Í Fréttablaðinu síðastliðinn laugardag var ranglega sagt að mannvirkið sem ekki er byggingarleyfi fyrir væri skemma sem hýsir nú púttvöll Keilis en var upphaflega reist yfir háhyrninga Sædýrasafnsins. Hið rétta er að byggingin er opið æfingaskýli sem Keilir á við hliðina á gamla háhyrningahúsinu.