Tveggja ára drengur lést á sveitabæ í Vestur-Skaftafellssýslu

Banaslys varð á sveitabæ í Meðallandi í Vestur Skaftafellssýslu um klukkan hálf tvö í dag þegar drengur á þriðja aldursári féll út um dyraop dráttarvélar og lenti undir malarvagni sem hún dró.

Í tilkynningu frá lögreglunni á Suðurlandi segir að lögregla og sjúkralið frá Kirkjubæjarklaustri og Vík hafi verið kallað á vettvang en endurlífgunartilraunir ekki borið árangur. Drengurinn var úrskurðaður látinn á vettvangi.

Rannsóknardeild Lögreglunnar á Suðurlandi vinnur að rannsókn slyssins en ekki er unnt að veita nánari upplýsingar um málið að sinni.

Banaslys varð á sveitabæ í Meðallandi í Vestur Skaftafellssýslu um kl. hálf tvö í dag þegar drengur á þriðja aldursári...

Posted by Lögreglan á Suðurlandi on Monday, 6 April 2015