Gestir þjóðhátíðar undrast ákvörðun lögreglustjórans

Kolbeinn Tumi Daðason skrifar 1. ágúst 2015 11:45

Gestir þjóðhátíðar sem fréttamaður ræddi við í Vestmannaeyjum eru sammála um að upplýsa eigi fjölmiðla um kynferðisbrot og undrast ákvörðun lögreglustjórans þar í bæ um að banna slíkt.

„Fáránlegt. Mér finnst að það eigi að segja frá þessu. Miðað við hvað fólk hefur verið að opna á þessa umræðu þá á að tala um þetta,“ segir Katrín María Karlsdóttir en hún er ein þeirra sem rætt var við í Eyjum.

Tekinn var púlsinn á gestum þegar þeir mættu til Eyja úr Herjólfi í gær.

Tengdar fréttir

Lýsa yfir furðu sinni á málflutningi lögreglustjórans í Eyjum

Stjórnir Blaðamannafélags Íslands og Félags fréttamanna segja sjónarmið lögreglustjórans algerlega úr takt við þau meginsjónarmið um upplýsta og opna umræðu.

30. júlí 2015 15:03

Segja tilmæli lögreglustjórans ýta undir skömm þolenda

„Druslugangan fer fram á að kynferðisglæpir séu afgreiddir eins og aðrir glæpir og ekki faldir eins og hún fer fram á,“ segir Helga Lind Mar einn skipuleggjenda göngunnar.

29. júlí 2015 23:27

Lögreglustjóri dragi tilmæli sín til baka

Kvennréttindafélag Íslands lýsir yfir furðu á tilmælum lögreglustjóra Vestmannaeyjar.

31. júlí 2015 16:04

Lögreglustjórinn stendur við þögn um kynferðisbrot

Lögreglustjórinn í Vestmannaeyjum stendur við ákvörðun sína um bann við upplýsingum til fjölmiðla um möguleg kynferðisbrotamál á þjóðhátíð. Talskona Stígamóta segir það valda sérstökum áhyggjum að lögreglustjórinn hafi ekki betri skilning á eðli kynferðisbrota og hvernig beri að fara með þau.

30. júlí 2015 19:00

#Þöggun

Hefur lögreglustjórinn í Vestmannaeyjum í alvöru skilið skilaboð samfélagsins síðustu misseri með þeim hætti að verið sé að kalla eftir minni umræðu og upplýsingum um kynferðisbrot?

31. júlí 2015 07:00