Gwen Stefani sækir um skilnað

Gwen Stefani hefur sótt um skilnað frá Gavin Rossdale en í næsta mánuði hefðu þau haldið upp á 13 ára brúðkaupsafmælið.

Saman eiga þau synina Kingston, Zuma og Appollo. Þau kynntust þegar hljómsveit Stefani var að hita upp fyrir hljómsveit Rossdale árið 1996.

Þau hafa í gegnum tíðina verið talin eitt best klædda par Hollywood en þau eru bæði miklir rokkarar og hafa sérstakan fatasmekk.

Samkvæmt heimildum Daily Mail sótti Gwen um skilnaðinn vegna gruns um að Gavin hafi verið að halda framhjá henni í einhvern tíma.