Hann leyfir heiminum að fylgjast með kynleiðréttingarferlinu: Tók sjálfsmynd í þrjú ár

Þegar Jamie Raines var átján ára byrjaði hann í kynleiðréttingarferli og hóf að taka inn hormónalyf.

Hann fæddist í röngum líkama og ólst upp sem stelpa.

„Ég vildi alltaf vera stuttklipptur, sem gerði hlutina stundum bærilegri en mér leið aldrei vel með sjálfan mig þegar ég horfði í spegil,“ segir Raines.

„Þegar ég byrjaði að taka inn hormóna þá fór maður að taka eftir breytingum. Ferlið var allt mjög spennandi og núna líður mér bara vel með það að horfa á sjálfan mig í spegli.“

Jamie tók sjálfsmynd af sér á hverjum einasta degi í þrjú ár og hér að neðan má sjá ferlið í heild sinni. Raines heldur úti YouTube rás þar sem fólk fær að fylgjast með ferlinu.