Greindarskertur hollenskur maður sem hefur verið í einangrun á Litla-Hrauni síðan 29. september hefur fengið að hafa samband við móður sína undir eftirliti lögreglu.
Hann, ásamt tveimur Íslendingum og öðrum Hollendingi, er í einangrun í tengslum við rannsókn á smygli á 23 kílóum af sterkum fíkniefnum til landsins með Norrænu.
Að sögn verjanda mannsins telur lögreglan ekki efni til að aflétta einangrun yfir manninum þrátt fyrir að farið hafi verið fram á geðrannsókn á honum.
Af gögnum málsins má sjá að við skýrslutöku greindi hinn Hollendingurinn frá því að maðurinn væri með þroska á við tólf ára barn.
Gæsluvarðhaldsúrskurðir yfir mönnunum renna út á morgun.
Fékk að ræða við móður sína
Tengd skjöl
Tengdar fréttir
„Mannvonska“ að loka fólk með þroskahömlun og geðraskanir inni í fangelsum
Bryndís Snæbjörnsdóttir, formaður Þroskahjálpar, segir að það þurfi sérstakt leyfi nefndar sem starfi innan heilbrigðisráðuneytisins til að beita fatlað fólk nauðung eða þvingunum
Greindarskertur í einangrun á Íslandi án vitneskju fjölskyldu
Fjölskylda 27 ára þroskahamlaðs hollensks manns fékk ekki upplýsingar um hvar hann var í heilan mánuð. Maðurinn er í gæsluvarðhaldi á Litla-Hrauni vegna gruns um fíkniefnasmygl.
Hæstiréttur staðfesti að verjendur í fíkniefnamáli þurfi ekki að víkja
Lögreglustjórinn á höfuðborgarsvæðinu taldi þá hafa brotið fjölmiðlabann.
