Ívar Daníels er að slá í gegn með Jelly Bean áskorunina: „Förum bara beint í horið“

„Ég var bara að ráfa um Youtube um daginn þegar ég sá það sem kallast Bean Boozled challenge,“ segir tónlistamaðurinn Ívar Daníels en myndbönd hans á Facebook hafa vakið mikla athygli.

Þar fær hann frænku sína, mömmu sína og manninn hennar með í leik sem „er í raun þannig að það er box með jelly beans fyrir framan þig og þú snýrð svona snúningsskífu, þá þarftu að borða þá baun sem þú lendir á, sama hvort hún sé góð eða viðbjóður.“

Hann ákvað reyndar að gera þetta aðeins öðruvísi.

„Ég ákvað hinsvegar að gera þetta bara þannig að í stað þess að snúa skífunni þá fékk ég frænku mína hana Evu til að gera þetta með mér. Við settum bara hverja einustu tegund á diskinn og byrjuðum á þeirri vægustu og enduðum á þessum verstu.“

Ívar segist hafa verið í Hagkaup á dögunum þegar honum er bent á það að þessi vara er til þar.

„Ég var ekki lengi að grípa þetta með mér því ég hélt að ég þyrfti að nálgast þetta að utan og hoppaði því hæð mína að gleði eins og lítið barn í nammilandi í fyrsta skiptið þegar ég sá að þetta var til.“

Ívar hefur sett inn tvö myndbönd. Annarsvegar hann og Eva frænka hans í leiknum og hinsvegar mamma hans og maðurinn hennar.

„Mamma og maðurinn hennar voru heima yfir daginn þegar ég og dóttir mín vorum í fríi og ég hafði ætlað að plata frænku mína með í þetta en svo þegar það var svolítill tími í að hún kláraði að vinna, þá ákvað ég að spyrja þau hvort þau væru til í smá rugl, þau spurðu ekki einu sinni hvað þetta í raun væri, þau settust bara niður og hlýddu öllu og átu þennan viðbjóð og úr varð enginn smáræðis skemmtun fyrir mig.“

Ívar hafnaði í þriðja sæti í síðustu seríu af Ísland Got Talent á Stöð 2. Hann var þá í slagtogi með félaga sínum Magnúsi Hafdal.

„Það er búið að vera rosalega mikið að gera, það var alveg eitthvað að gera fyrir keppnina en það fór einhvernvegin allt á flug eftir keppnina og við Magnús áttu t.d. alveg magnað sumar þar sem við fórum út um allt land að spila, í brúðkaupum og margt fleira. Við erum að spila á Jólahlaðborði Grand Hótel í nóvember og desember.“

Útgáfa Ívars og Magnúsar á Europe laginu Final Countdown skilaði þeim þriðja sæti í Ísland Got Talent.

JELLY BELLY BEAN CHALLENGE !! Þetta er horbjóður, mæli með því að fólk prufi þetta !! Ég og Eva Arnet tvö klígjugjörnustu kvikindi ever, skelltum okkur í þetta, gúttenn mitt hilmett... Checkiði bara viðbrögðin í videoinu

Posted by Ívar Daníels on Wednesday, October 28, 2015

Ég andast ur hlátri !! Bean Boozled challenge, tók jellybeans áskorun á mömmu og Steina Langt video en svo þess virði að horfa !!! Þau éta jellybeans og vita ekki hvort það verði gott eða viðbjóður Eins og heyrist á vidoinu, þá andast ég næstum þvi úr hlátri !!! :D Svo kemur annað inn á eftir með sjálfum mér, wish me luck !!!

Posted by Ívar Daníels on Wednesday, October 28, 2015