Tilraun til ráns fyrir utan banka í Mjódd

Lögreglunni barst á fjórða tímanum í dag tilkynningu um að reynt hefði verið að ræna viðskiptavin sem kom út úr banka í Mjóddinni. Samkvæmt dagbók lögreglunnar var maður handtekinn stuttu seinna sem grunaður er um verknaðinn. Sá var vistaður í fangageymslu.

Skömmu áður fékk lögreglan tilkynningu um eignaspjöll hjá Sýslumanni Reykjavíkur. Þar hafði óánægður viðskiptavinur brotið rúðu og lét hann ófriðlega. Þegar lögregluþjónar komu á vettvang var maðurinn handtekinn og fluttur til skýrslutöku.