Innlent

Hekla innkallar 445 Mitsubishi Pajero

Kolbeinn Tumi Daðason skrifar
Hekla við Laugaveg.
Hekla við Laugaveg. Vísir/Vilhelm
Neytendastofu hefur borist tilkynning frá Heklu hf að innkalla þurfi Mitsubishi Pajero bifreiðar af árgerðinni 2007-2014 með vélartegund 4M41. Alls er um að ræða 445 bíla.

Ástæða innköllunar er að bilun í tímakeðjustrekkjara getur valdið því að hann virki ekki sem skyldi og óeðlilegt hljóð komið frá tímakeðju. Í versta falli getur strekkjari brotnað og valdið alvarlegum skemmdum á vél þannig að bíllinn verður ógangfær.

Skipt verður um tímakeðjustrekkjara og búnaður í kringum hann skoðaður og skipt um aðra hluta ef þarf.

Umráðamönnum viðkomandi bíla verður sent bréf á næstu vikum.

Mest lesið


Fleiri fréttir

Sjá meira


×

Mest lesið