Björk um nýju plötuna: Skapaði verk sem býr yfir sárri sorg

Vulnicura, ný plata Bjarkar, er komin út á iTunes & tonlist.is á Íslandi en þetta kemur fram í tilkynningu frá Smekkleysu.

Platan fær góða umfjöllun á samfélagsmiðlum víða um heim og eru viðtökur fjölmiðla og gagnrýni einstaklega lofsamleg.

Í framhaldi af því að upptökunum var lekið á netið ákvað Björk að gefa Vulnicura út á itunes í gær.   

Sjá einnig: Nýjustu plötu Bjarkar lekið á netið

Vulnicura varð fáanleg fyrir íslenskan markað seinni part dags 22. janúar á Íslandi.  

„Ég stóð mig af því að skapa verk sem býr yfir sárri sorg. Ég er svolítið hissa hversu rækilega ég hafði skráð þetta í nánast tilfinningalegri tímaröð, t.d. 3 lög fyrir sambandslit og 3 eftir, svo mannfræðingurinn í mér laumaðist fram og varð til þess að ég ákvað að deila lögunum þannig,“ segir Björk um aðdraganda plötunnar á heimasíðu sinni.

„Fyrst óttaðist ég að það væri of eigingjarnt en hugarfars afstaðan breyttist, hugsanlega væru lögin það alhliða að þau gætu vonandi komið fólki til hjálpar, verið hækja og sannað hversu líffræðilegt þetta ferli er: sárið og heilun þess, bæði andlega og líkamlega, það er til leið út.”

Björk segir að síðan hafi hið ótrúlega gerst. „Þegar ég glataði einu kom annað í staðinn. Alejandro hafði samband við mig seint sumars 2013 og hafði áhuga á að vinna með mér. þetta var hin fullkomna tímasetning. það hefði tekið mig 3 ár að semja bít við lögin (eins og á Vespertine). Aðeins nokkrum mánuðum síðar höfðum við klárað heila plötu! Þetta er eitt það ánægjulegasta samstarfsverkefni sem ég hef tekið þátt í.”

Hún hafi hafist handa við útsetningar fyrir strengi og kór og tekið þær upp á Íslandi.

„Þegar líða tók að því að plantan væri tilbúin fór ég að leita að hljóðmanni.  Ég var kynnt af sameiginlegum vini okkar, Robin Carolan, fyrir Haxan Cloak. Hann hljóðblandaði plötuna og samdi einnig helmingin af bítinu fyrir lagið “Family”. Saman stofnuðum við hálfpartinn band yfir hljóðblönduninni og þetta er platan sem við gerðum.”

„Ég vona að þið njótið hennar.”

Eftirfrandi tónleikar hafa verið tilkynntir í kjölfar útgáfu Vulnicura

New York:

7. mars - Carnegie hall (12:00,  hádegistónleikar)

14. mars - Carnegie hall (12:00, hádegistónleikar)

25. mars - City center ( 20:00, kvöldtónleikar )

28. mars - City center ( 12:00, hádegistónleikar )

1. apríl - City center ( 20:00 kvöldtónleikar )

4. apríl - City center ( 12:00 hádegistónleikar )

5.-7. júní - Governor's ball

Sjá einnig: Strax vinsæl: Plata Bjarkar í efsta sæti í 30 löndum

Nýjasta plata Bjarkar Guðmundsdóttur, Vulnicura, er mest sótta platan hjá tónlistarveitunni iTunes víða um heim. Hún er númer eitt í yfir 30 löndum:

#1 Bretland

#1 Argentína

#1 Austurríki

#1 Belgía

#1 Brasilía

#1 Búlgaría

#1 Síle

#1 Kýpur

#1 Tékkland

#1 Danmörk

#1 Eistland

#1 Finnland

#1 Grikkland

#1 Ungverjaland

#1 Írland

#1 Ísrael

#1 Mexíkó

#1 Holland

#1 Noregur

#1 Pólland

#1 Portúgal

#1 Rúmenía

#1 Rússland

#1 Slóvakía

#1 Slovenía

#1 Suður Afríka

#1 Spánn

#1 Svíþjóð

#1 Sviss

#1 Víetnam