Ásmundur fundaði með formanni Félags múslima: „Áttum hreinskiptið samtal um skrif mín“

„Ég átti fund síðdegis í dag með Ólafi og Sverri Agnarssyni formanni Félags múslima á Íslandi,“ segir Ásmundur Friðriksson, þingmaður Sjálfstæðisflokksins, í færslu á Facebook-síðu sinni.

Ásmundir var harðlega gagnrýndur þegar hann velti því fyrir sér hvort búið væri að kanna bakgrunn þeirra 1500 múslima sem væru búsettir á Íslandi og þá til að tryggja öryggi Íslendinga.

„Eftir símtal okkar í gær bauð Sverrir mér í heimsókn í mosku félagsins í Reykjavík. Við áttum hreinskiptið samtal um skrif mín og viðbrögð við þeim. Þeir eru báðir sammála mér um mikilvægi þess að tryggja öruggt og friðsælt samfélag á Íslandi. Og til þess þarf eftirlit, samstarf og upplýsingar. Þannig vinna Bandaríkjamenn með múslimum segja þeir félagar mér og þar ná öfgahópar ekki árangri.“

Ásmundur segist ekki vilja hvorki gettó né hin illu öfl heimsins hér á landi.

„Og við viljum taka samtalið um það hvernig við tryggjum traust og trúnað milli ólíkra hópa í landinu. Vínum að því með vitlegri umræðu þar sem virðing er borin fyrir öllum skoðunum. Ég er ánægður að eiga stuðning þeirra félaga fyrir öruggara Íslandi.“

Innlegg frá Gudlaugur Helgi Sigurjonsson.