Enska knattspyrnusambandið hafnar áfrýjun Chelsea

Enska knattspyrnusambandið hafnaði í dag áfrýjun Chelsea en Chelsea áfrýjaði rauða spjaldinu sem Thibaut Courtois fékk í leik liðsins gegn Swansea um helgina. Verður hann því í banni gegn Manchester City um næstu helgi.

Courtois fékk rautt spjald í upphafi seinni hálfleiks þegar hann klippti niður Bafétimbi Gomis er hann komst framhjá belgíska markverðinum. Dómari leiksins var ekki í vafa og dæmdi vítaspyrnu og gaf Courtois rautt spjald í þokkabót.

Asmir Begovic lék sinn fyrsta leik fyrir Chelsea í leiknum er hann kom inn á og átti fínan vörslur þrátt fyrir að takast ekki að verja vítið. Er nú ljóst að hann mun byrja sinn fyrsta leik fyrir félagið gegn Manchester City í stórleik annarrar umferðar í ensku úrvalsdeildinni.

Chelsea's appeal against Thibaut Courtois' red card against Swansea has been unsuccessful and his ban will stand. pic.twitter.com/KJtUeIs2i7

— BBC Sport (@BBCSport) August 11, 2015