Semja um bætt skipulag sérnámskennslu í heimilislækningum

Landspítalinn og Heilsugæslu höfuðborgarsvæðisins hafa endurnýjað samkomulag milli stofnananna þar sem skýrar er kveðið á um skipulag kennslu í sérnámi í heimilislækningum.

Páll Matthíasson, forstjóri Landspítalans, og Svanhvít Jakobsdóttir, forstjóri heilsugæslunnar, undirrituðu samkomulagið fyrr í dag.

„Með samkomulaginu er leitast við að styrkja enn frekar við sérnám í heimilislækningum sem samfellds námstíma á heilsugæslustöðvum og Landspítala.

Í samkomulaginu felst meðal annars að komið verður á auknu samráði og umsjón með námi og kennslu sérnámslækna í heimilislækningum innan Landspítala.

Skipaðir verða umsjónarlæknar, einn frá frá hvorum aðila, sem sameiginlega munu bera ábyrgð á kennslu og námi sérnámslækna innan Landspítala.  Þessum tveimur er ætlað að vinna náið með sérnámslæknum, mentorum, kennslustjóra og fleirum innan Landspítala.

Seinna í sumar hefst vinna við að móta nánar starfshlutverk þessara lykilaðila sem á að treysta mjög stöðu sérnámslækna í heimilislækningum innan Landspítala og skapa meiri samfellu og heild á námstímanum en verið hefur,“ segir í tilkynningu frá Landspítalanum,“ segir í tilkynningu.