Opið í Bláfjöllum, Ísafirði og Sauðárkrók

Skíðasvæðið í Bláfjöllum er opið frá klukkan 10 til 17 í dag. „Færið er troðinn púðursnjór. Það er svolítill blástur á toppnum og hitinn er -4,5°. Það mun lægja þegar líður á daginn. Skíða og brettaleiga er á staðnum, veitingasala og dagskortasala í N1 stöðvum í bænum og í skálum á svæðinu. Vetrarkort eru einungis seld í Bláfjallaskála,“ segir í tilkynningu.

Á facebook-síðu Hlíðarfjalls á Akureyri segir að klukkan 8 hafi verið frekar hvasst og verður athugað með opnun klukkan 10. „Skíða- og brettaskóla seinkar til klukkan 11.00.“

Opið er á skíðasvæði Ísafjarðarbæjar í dag. Opið er í Tungudal milli klukkan 10 og 16, þar sem opið verður í byrjendalyftu og Sandfelli. Áætlað er að opna Miðfell í kringum hádegið ef aðstæður leyfa. Á Seljalandsdal er opið frá klukkan 10. Troðin verður 3,3 km braut. Í tilkynningu segir að veður sé ágætt en nokkuð kalt. Suðvestan vindur, 7 metrar á sekúndu og 3 gráðu frost.

Skíðasvæðið í Tindastól verður opið frá klukkan 11 til 16 í dag. Í tilkynningu segir að veður klukkan 8:50 í morgun hafi verið SV 2 metrar á sekúndu, 4 gráðu frost og létt skýjað.

Uppfært: