Vilja kvótann saman

Allir sem sinna útgerð á Flateyri ætla að sækja í sameiningu um sértækan byggðakvóta sem í boði er á Flateyri.

Í síðustu viku sendu smábátasjómenn á Flateyri bréf til Byggðastofnunar þar sem þeir óskuðu eftir samstarfi. Guðmundur Björgvinsson, formaður Íbúasamtaka Flateyrar, sagðist vona að samvinna gæti myndast milli allra aðila á svæðinu.

Fyrr í haust sleit Byggðastofnun samstarfi við Arctic Odda um vinnslu á bolfiski á Flateyri þar sem fyrirtækið hugðist hætta vinnslu á svæðinu.