Veiðimenn komnir upp á heiði

„Þetta er sýnd veiði en ekki gefin,“ sagði Arne Sólmundsson, varaformaður Skotveiðifélags Íslands (Skotvís), þegar hann var að fara að koma sér fyrir í laut með skotvopn og kaffibrúsa til að sitja fyrir heiðagæsum á Hrunamannaafrétti.

Það kann að hljóma auðvelt að veiða heiðagæs þegar rætt er um fjölda hennar en Elvar Árni Lund, formaður Skotvís, segir að í stofninum séu á bilinu 300 til 350 þúsund fuglar og hann fari vaxandi.

Nóg er einnig af grágæs en Elvar Árni segir að um hundrað þúsund séu í stofninum og að hann sé í nokkru jafnvægi. Grágæsin er mun auðveldari bráð en hún heldur sig á láglendi og í ræktuðu landi. Þar lætur heiðagæsin hins vegar ekki sá sig fyrr en hún er orðin þreytt á vosbúð uppi á heiðum en þá leggur hún í fárra daga láglendisferð.

Það er því gott hljóð í veiðimönnum en í ofanálag er útlit fyrir góða tíð í rjúpnaveiðum því sést hefur til rjúpunnar í feitum flokkum.