Ítreka áskorun gegn flutningi Fiskistofu

Störfum á vegum ríkisins hefur fækkað um 128 stöðugildi á árunum 2007 til 2013. Á sama tíma hefur störfum hækkað um 464 stöðugildi á höfuðborgarsvæðinu. Bæjarstjórn Hafnarfjarðar ítrekaði á fundi sínum í dag áskorun sína á ríkisstjórnina og Sigurð Inga Jóhannesson, sjávarútveg- og landbúnaðarráðherra, að draga eigi ákvörðun um flutning Fiskistofu til Akureyrar til baka.

Bæjarstjórnin segir að málefnaleg rök fyrir flutningnum hafi ekki komið fram og að fyrirliggjandi tölur sýni að stöðugildum á vegum ríkisins hafi fækkað, ólíkt því sem haldið hefur verið fram í umræðunni.

Lögð var fram ítarleg greinargerð á fundinum um stöðugildafjölda hjá ríkisstofnunum á höfuðborgarsvæðinu undanfarin ár. Þar kemur fram að 28 prósent fækkunar stöðugilda á höfuðborgarsvæðinu hafi orðið í Hafnarfirði.

Haraldur L. Haraldsson bæjarstjóri segir í tilkynningu að sjávarútvega hljóti að skoða það alvarlega að draga ákvörðunina um flutning Fiskstofu til baka, í ljósi þessara gagna.

„Umræðan um fjölda stöðugilda á höfuðborgarsvæðinu hefur verið villandi og með þessari samtekt sem lögð var fram í bæjarstjórn Hafnarfjarðar dag kemur það skýrt í ljós að stöðugildum hjá ríkinu á höfuðborgarsvæðinu og í Hafnarfirði hefur fækkað umtalsvert,“ segir Haraldur.

Bæjarstjórn Hafnarfjarðar hefur áður mótmælt þeim áformum ráðherra að flytja starfssemi Fiskistofu úr Hafnarfirði og gert kröfu um að ráðherrann leggi fram málefnaleg rök fyrir flutningunum.