Áfrýjunarnefnd fellur ákvörðun Samkeppniseftirlitsins úr gildi

Áfrýjunarnefnd samkeppnismála hefur fellt úr gildi ákvörðun um Samkeppniseftirlitsins um að veita hvorki Eimskipafélagi Íslands hf., né dótturfélögum þess, aðgang að kæru og fylgiskjölum eftirlitsins til embættis sérstaks saksóknara. Frá þessu er greint á vef Eimskipa.

Samkeppniseftirlitið hafði áður synjað beiðni Eimskipafélagsins um að fá gögnin en áfrýjunarnefnd samkeppnismála leggur það nú fyrir eftirlitið að taka aftur afstöðu til kröfu Eimskipafélagsins. Félagið fer fram á aðgang að gögnunum á grundvelli ákvæða í stjórnsýslulögum er varða aðgang aðila að gögnum máls.

Málið sem um ræðir varðar meint brot Eimskipa og Samskipa á samkeppnislögum. Samkvæmt kæru eiga félögin að hafa um árabil haft með sér ólöglegt samráð sem sé til þess fallið að valda almenningi í landinu og atvinnulífinu miklum fjárhagslegum skaða.

Fyrst var greint frá kærunni í október síðastliðnum en bæði fyrirtækin höfnuðu í yfirlýsingu að hafa gerst sek um brot á samkeppnislögum.