Framsókn vill gegnsæi í fasteignasölu

Fulltrúi Framsóknarflokks í borgarráði segir verulega skorta á fagleg og gagnsæ vinnubrögð við sölu borgarinnar á Laugavegi 4 og 6.

„Sömu fasteignasalar gera verðmöt á eignunum og fá þær í sölumeðferð, ásamt því sem að þeim er í sjálfsvald sett hvernig þeir haga kynningu á eignunum við sölu,“ segir í bókun Sveinbjargar Birnu Sveinbjörnsdóttur sem leggur til að við sölu fasteigna í eigu borgarinnar verði það verklag að sá eða þeir sem verðmeta fasteignir annist ekki líka sölu þeirra.