Ha? Hlusta stelpur á svona tónlist!? Þórður Ingi Jónsson skrifar 20. ágúst 2014 13:00 Hér til vinstri má sjá kynjahlutföll þeirra plötusnúða sem troða upp í miðbæ Reykjavíkur í mánuðinum. Fjólublár er hlutfall karla en gulur hlutfall kvenna. Til hægri er hlutfall kvenkyns plötusnúða á lista DJ Mag frá því í ár yfir bestu plötusnúða heims. Seinustu ár hafa kynjahlutföll verið í brennidepli í raftónlistarheiminum. Árið 2011 hneykslaðist rokkarinn og Íslandsvinurinn Peaches á því að listi hins virta raftónlistartímarits DJ Mag yfir 100 bestu plötusnúða heimsins innihéldi aðeins eina konu þrátt fyrir fjöldann allan af kvenkyns plötusnúðum. Til samanburðar renndi blaðamaður í gegnum dagskrána fyrir miðbæ Reykjavíkur í ágúst, meðal annars á listings.grapevine.is, og komst að þeirri niðurstöðu að hlutfall kvenkyns plötusnúða hér á landi er talsvert hærra en hlutfallið á lista DJ Mag. Af þeim 56 plötusnúðum sem troða upp í miðbænum í mánuðinum eru 36 karlmenn og 20 kvenmenn, eða þriðjungur plötusnúðanna.DJ Sunna Ben.Vísir/Arnþór„Ég væri til í að sjá fleiri kvenkyns plötusnúða enda sé ég enga góða ástæðu fyrir því að þessi kynjahlutföll séu ójöfn,“ segir Sunna Ben, listakona og plötusnúður. „Það eina sem mér dettur í hug er að stelpurnar skorti fyrirmyndir og hvatningu, það mætti vinna í því. Jafnvel halda námskeið eða kvöld þar sem ungum plötusnúðum- og snældum er boðið að spreyta sig einhvers staðar og þiggja ráð.“ „Ég hef verið að spila a.m.k. einu sinni í viku í rúmt ár og fæ ennþá reglulega að heyra hluti á borð við: „Hey! Ég hef aldrei séð kvenkyns plötusnúð áður!“ eða „Ha? Hlusta stelpur á svona tónlist!?“ sem kemur auðvitað ekki heim og saman. Þetta eru engin geimvísindi og þetta á ekki að þurfa að vera strákaleikur. Undanfarið hafa sífellt fleiri stelpur komið og spurt mig út í þetta og hvort ég vilji kenna þeim einhver grunnatriði. Mér finnst það góðs viti og legg ég því til að allar forvitnar stelpur prófi sig áfram og reyni svo að koma sér að á skemmtistöðum.“ Hér fyrir neðan eru þrír vinsælir erlendir kvenkyns plötusnúðar.Miss Kittin.Miss Kittin Miss Kittin er frönsk raftónlistarkona og plötusnúður. Hún er meðal annars þekkt fyrir að vera einn helsti kyndilberi „electroclash“-stefnunnar sem blandar nýbylgju- og synþapoppi við raftónlist. Frægustu lög hennar heita „1982“ og „Frank Sinatra“.Mary Anne Hobbs.Mary Anne Hobbs Mary Anne Hobbs er plötusnúður á útvarpsstöðinni BBC 6. Hún er líklega einn virtasti raftónlistarspekúlant og –plötusnúður heims. Hún hefur gert ýmsum tónlistarstefnum hátt undir höfði, s.s. grime og dubstep.Fatima Al Qadiri.Fatima Al Qadiri Fatima Al Qadiri er myndlistar- og tónlistarkona, Kúveiti að uppruna en býr í New York. Fatima spilar framsækna og fútúríska raftónlist, oft með pólitískri áherslu. Hún tryllti lýðinn á Iceland Airwaves í fyrra en frægt var þegar rapparinn Mykki Blanco stökk upp á sviðið með henni og hristi bossann. Airwaves Tónlist Mest lesið Hringdi í mömmu sem sagði einfaldlega: „Nói, nú kemur þú heim“ Áskorun Óraunverulegt að kaupa íbúð í miðborg London Lífið Sonur Tinu Turner látinn Lífið Sat uppi með útgáfu af sjálfri sér sem hún kunni ekki við Lífið Krakkatían: Bannað að hlæja, Friðarsúlan og Iceguys Lífið Kraftaverkasaga: „Mun ég aldrei sjá þau aftur?“ Áskorun Sama hvað öllum finnst, nema mömmu og pabba Tónlist Óöruggur eftir að kærastan stundaði hópkynlíf erlendis Lífið „Rétturinn sem fjölskyldan þín mun elska og biðja um aftur og aftur“ Lífið „Ákvað að skilja hana eftir þar og athuga hversu langt ég kæmist“ Lífið Fleiri fréttir Sama hvað öllum finnst, nema mömmu og pabba Íslenskar stjörnur heiðra Bítlana Frumsýning á Vísi: Iceguys trylla þjóðina enn og aftur í nýju myndbandi Baunar á kókaða söngkonu fyrir baktal Djúpt snortinn yfir viðbrögðum samfélagsins Hneig niður í miðju lagi Joy Orbison treður upp í Austurbæjarbíói Samdi lag um ást sína á RIFF Söguleg rappveisla í Laugardalnum Laufey treður upp með Justin Bieber Árný Margrét ómaði á tískupöllum í New York Írar sniðganga Eurovision taki Ísrael þátt „Algjörlega út úr kortinu fyrir íslenskan listamann“ Uppselt á tónleika Laufeyjar og aukatónleikum bætt við Heiðra Arvo Pärt í Landakotskirkju Troðfull Þorlákskirkja minntist Karls Sighvatssonar Einvalalið kemur fram á Karlsvöku Laufey Lín endar Evróputúrinn á Íslandi Fjarsambandinu loksins lokið Frumsýning á Vísi: Fyrsta lag Valdimars í sjö ár og liðsmenn eru Bieber ævinlega þakklátir Raftónlistarhátíðin Extreme Chill haldin í sextánda sinn næstu helgi Sjá meira
Seinustu ár hafa kynjahlutföll verið í brennidepli í raftónlistarheiminum. Árið 2011 hneykslaðist rokkarinn og Íslandsvinurinn Peaches á því að listi hins virta raftónlistartímarits DJ Mag yfir 100 bestu plötusnúða heimsins innihéldi aðeins eina konu þrátt fyrir fjöldann allan af kvenkyns plötusnúðum. Til samanburðar renndi blaðamaður í gegnum dagskrána fyrir miðbæ Reykjavíkur í ágúst, meðal annars á listings.grapevine.is, og komst að þeirri niðurstöðu að hlutfall kvenkyns plötusnúða hér á landi er talsvert hærra en hlutfallið á lista DJ Mag. Af þeim 56 plötusnúðum sem troða upp í miðbænum í mánuðinum eru 36 karlmenn og 20 kvenmenn, eða þriðjungur plötusnúðanna.DJ Sunna Ben.Vísir/Arnþór„Ég væri til í að sjá fleiri kvenkyns plötusnúða enda sé ég enga góða ástæðu fyrir því að þessi kynjahlutföll séu ójöfn,“ segir Sunna Ben, listakona og plötusnúður. „Það eina sem mér dettur í hug er að stelpurnar skorti fyrirmyndir og hvatningu, það mætti vinna í því. Jafnvel halda námskeið eða kvöld þar sem ungum plötusnúðum- og snældum er boðið að spreyta sig einhvers staðar og þiggja ráð.“ „Ég hef verið að spila a.m.k. einu sinni í viku í rúmt ár og fæ ennþá reglulega að heyra hluti á borð við: „Hey! Ég hef aldrei séð kvenkyns plötusnúð áður!“ eða „Ha? Hlusta stelpur á svona tónlist!?“ sem kemur auðvitað ekki heim og saman. Þetta eru engin geimvísindi og þetta á ekki að þurfa að vera strákaleikur. Undanfarið hafa sífellt fleiri stelpur komið og spurt mig út í þetta og hvort ég vilji kenna þeim einhver grunnatriði. Mér finnst það góðs viti og legg ég því til að allar forvitnar stelpur prófi sig áfram og reyni svo að koma sér að á skemmtistöðum.“ Hér fyrir neðan eru þrír vinsælir erlendir kvenkyns plötusnúðar.Miss Kittin.Miss Kittin Miss Kittin er frönsk raftónlistarkona og plötusnúður. Hún er meðal annars þekkt fyrir að vera einn helsti kyndilberi „electroclash“-stefnunnar sem blandar nýbylgju- og synþapoppi við raftónlist. Frægustu lög hennar heita „1982“ og „Frank Sinatra“.Mary Anne Hobbs.Mary Anne Hobbs Mary Anne Hobbs er plötusnúður á útvarpsstöðinni BBC 6. Hún er líklega einn virtasti raftónlistarspekúlant og –plötusnúður heims. Hún hefur gert ýmsum tónlistarstefnum hátt undir höfði, s.s. grime og dubstep.Fatima Al Qadiri.Fatima Al Qadiri Fatima Al Qadiri er myndlistar- og tónlistarkona, Kúveiti að uppruna en býr í New York. Fatima spilar framsækna og fútúríska raftónlist, oft með pólitískri áherslu. Hún tryllti lýðinn á Iceland Airwaves í fyrra en frægt var þegar rapparinn Mykki Blanco stökk upp á sviðið með henni og hristi bossann.
Airwaves Tónlist Mest lesið Hringdi í mömmu sem sagði einfaldlega: „Nói, nú kemur þú heim“ Áskorun Óraunverulegt að kaupa íbúð í miðborg London Lífið Sonur Tinu Turner látinn Lífið Sat uppi með útgáfu af sjálfri sér sem hún kunni ekki við Lífið Krakkatían: Bannað að hlæja, Friðarsúlan og Iceguys Lífið Kraftaverkasaga: „Mun ég aldrei sjá þau aftur?“ Áskorun Sama hvað öllum finnst, nema mömmu og pabba Tónlist Óöruggur eftir að kærastan stundaði hópkynlíf erlendis Lífið „Rétturinn sem fjölskyldan þín mun elska og biðja um aftur og aftur“ Lífið „Ákvað að skilja hana eftir þar og athuga hversu langt ég kæmist“ Lífið Fleiri fréttir Sama hvað öllum finnst, nema mömmu og pabba Íslenskar stjörnur heiðra Bítlana Frumsýning á Vísi: Iceguys trylla þjóðina enn og aftur í nýju myndbandi Baunar á kókaða söngkonu fyrir baktal Djúpt snortinn yfir viðbrögðum samfélagsins Hneig niður í miðju lagi Joy Orbison treður upp í Austurbæjarbíói Samdi lag um ást sína á RIFF Söguleg rappveisla í Laugardalnum Laufey treður upp með Justin Bieber Árný Margrét ómaði á tískupöllum í New York Írar sniðganga Eurovision taki Ísrael þátt „Algjörlega út úr kortinu fyrir íslenskan listamann“ Uppselt á tónleika Laufeyjar og aukatónleikum bætt við Heiðra Arvo Pärt í Landakotskirkju Troðfull Þorlákskirkja minntist Karls Sighvatssonar Einvalalið kemur fram á Karlsvöku Laufey Lín endar Evróputúrinn á Íslandi Fjarsambandinu loksins lokið Frumsýning á Vísi: Fyrsta lag Valdimars í sjö ár og liðsmenn eru Bieber ævinlega þakklátir Raftónlistarhátíðin Extreme Chill haldin í sextánda sinn næstu helgi Sjá meira