Innlent

Skattrannsóknarstjóri býst við niðurstöðu í skattaskjólamálinu í janúar

Þóra Kristín Ásgeirsdóttir skrifar

Bryndís Kristjánsdóttir skattrannsóknarstjóri segir að viðræður um kaup á gögnum um Íslendinga í skattaskjólum séu í fullum gangi. Þetta sé algert forgangsverkefni þótt hægt miði. Hún segir að það skipti máli að eftir því sem tíminn líði, þeim mun minni verðmæti verði í svona upplýsingum. Mörg Evrópuríki, til dæmis Þýskaland hafa keypt slík gögn og endurheimt mikið af skattfé. Á Íslandi miðar þó frekar hægt í þessum málum að margra mati enda margir mánuðir síðan gögnin voru boðin embættinu til kaups.

Fjármálaráðuneytið gaf grænt ljós á það fyrir tæpum mánuði að gögn um Íslendinga í skattaskjólum yrðu keypt en setti þó ýmis skilyrði, til að mynda þær að greiðsla verði ekki innt að hendi fyrir upplýsingar nema þær leiði til aukinnar skattheimtu. Annað skilyrði var að gögnin væru ekki fengin með ólögmætum hætti. Bæði skilyrðin eru líkleg til að hægja á viðræðum og síðara skilyrðið gæti þó einna helst torveldað samninga við seljandann, enda erfitt að ímynda sér að slík gögn séu fengin öðruvísi en með ólögmætum hætti. Aðspurð hvort viðkomandi seljandi sé erfiður í samningum eða skilyrði ráðneytisins of þröng, segir hún ekkert hægt að segja um það á þessu stigi.

Bryndís segir að unnið hafi verið hörðum höndum að málinu síðan ráðuneytið gaf grænt ljós á kaupin í byrjun desember. Hún vill því ekki fallast á að yfirvöld hafi dregið lappirnar í málinu. „Með allar svona upplýsingar, þá skiptir tíminn miklu máli.

Eftir því sem tíminn líður því minni verðmæti verða í svona upplýsingum. Þetta er eitt af forgangsmálum skattrannsóknarstjóra, að koma þessu í farveg, þótt það sé ekki komið á það stig að samningurinn liggi fyrir. Hún segist þó búast við að það dragi til tíðinda í málinu í ársbyrjun og niðurstaða liggi fyrir í lok janúarmánaðar.


Tengdar fréttir

Ákvörðun um auknar greiðslur til skattrannsóknarstjóra skoðuð

"Það var ákveðið að taka af embætti skattrannsóknarstjóra eingreiðslu úr ríkissjóði síðustu tveggja til þriggja ára sem veitt var ár hvert þegar byrjað var að fara í frekari skattrannsóknir. Ekki var lengur talin þörf á þessu viðbótarframlagi nú. En það er með þessa stofnun eins og margar aðrar að þær vilja halda í einskiptisgreiðslur sem þær hafa fengið.“

Ýmsar leiðir nauðsynlegar til að afla gagna

Bæði Bjarni Benediktsson fjármálaráðherra og Sigmundur Davíð Gunnlaugsson forsætisráðherra hafa á þingi tekið jákvætt í að skattrannsóknarstjóri nýti upplýsingar sem standa til boða vegna skattsvika, að því er Helgi Hjörvar, þingflokksformaður Samfylkingarinnar, greinir frá.

Telja koma til geina að kaupa gögn um fólk í skattaskjólum

Formaður fjárlaganefndar Alþingis segir að stundum verði að kosta einhverju til til þess að ná meira fjármagni í ríkiskassann. Formaður efnahagsnefndar vill hvetja fólk sem á fé í skattaskjólum til að gefa sig sjálfviljugt fram.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.