Innlent

Afbrotum fækkar

Stefán Árni Pálsson skrifar
vísir
Hegningarlagabrotum fækkaði í október samanborið við mánuðina á undan en þetta kemur fram í afbrotatölfræði lögreglustjórans á höfuðborgarsvæðinu fyrir októbermánuð 2014.

Skýrist það að mestu af fækkun þjófnaða, þ.á.m. innbrota. Tilkynningum um þjófnaði hefur fækkað um 12% samanborið við sama tímabil síðustu þriggja ára.

Ofbeldisbrotum fækkaði á milli mánaða, en fjöldi þeirra það sem af er ári er meiri þegar borið er saman við fyrri ár.

Fjöldi tilkynninga um nytjastuldi ökutækja var sá mesti á árinu í októbermánuði. Á sama tíma og þeim er að fjölga sem eru teknir undir áhrifum fíkniefna við akstur, fjölgaði umferðaróhöppum tengd þeim málum í október.




Fleiri fréttir

Sjá meira


×