Innlent

Í gæsluvarðhaldi vegna hnífaárásar

Kolbeinn Tumi Daðason skrifar
Maðurinn var handtekinn í Reykjavík í gærmorgun.
Maðurinn var handtekinn í Reykjavík í gærmorgun. Vísir/GVA
Lögreglan á höfuðborgarsvæðinu yfirheyrir nú karlmann á milli tvítugs og þrítugs vegna gruns um að hafa skorið annan mann á höfuðborgarsvæðinu í gær. Maðurinn var handtekinn í gærmorgun á hóteli í Reykjavík þar sem hann starfaði.

Samkvæmt upplýsingum frá lögreglu sinnaðist mönnunum í heimahúsi sem varð til þess að maðurinn dró upp hnífinn. Meiðsli hins slasaða eru ekki alvarleg. Sá er á svipuðum aldri og árásarmaðurinn en þeir eru kunningjar.

Lögregla fór fram á gæsluvarðhald yfir manninum til föstudags. Yfirheyrslur standa yfir.

Mest lesið


Fleiri fréttir

Sjá meira


×

Mest lesið