Gerði tilraun til að komast um borð í skip í Sundahöfn

Karlmaður var handtekinn á athafnasvæði Eimskips i Sundahöfn í Reykjavík laust fyrir klukkan eitt í nótt þar sem hann var að reyna að komast um borð í millilandaskip til að komast úr landi sem laumufarþegi.

Hann er jafnframt grunaður um húsbrot. Hann gistir nú fangageymslur lögreglu og verður yfirheyrður í dag, en ekki kemur fram í skeyti lögreglu hvort um er að ræða hælisleitanda, en þeir hafa ítrekað reynt að komast um borð í millilandaskip í Sundahöfn.