Innkalla Neutral Roll-on svitalyktareyði

Komið hefur í ljós gæðavandamál í ákveðnum tegundum af Neutral Roll-on svitalyktareyði sem valdið gæti óþægindum hjá einstaklingum með skert ónæmiskerfi. Varan hefur engin áhrif á heilbrigða einstaklinga.

Nathan & Olsen hf. vill því innkalla af markaði Neutral Roll-on svitalyktareyði með eftirfarandi lotunúmerum:

4148

4162

4169

4182

Lotunúmerið er á loki vörunnar. Um er að ræða fyrstu fjórar tölurnar í númerinu, til dæmis 41483LW.

Þeir svitalyktareyðar sem framleiddir voru í ofangreindum lotum hafa mögulega mengast af örveru sem kallast Burkholderia. Hafi það gerst gæti mengaður svitalyktareyðir hugsanlega valdið sýkingu hjá einstaklingum með skert ónæmiskerfi. Varan hefur ekki áhrif á heilbrigða einstaklinga.

Öllum sem fundið hafa fyrir óþægindum eftir notkun vörunnar er ráðlagt að hafa samband við lækni.

Nathan & Olsen biðja ennfremur þá sem keypt hafa Neutral Roll-on svitalyktareyði með lotunúmer 4148, 4162, 4169 eða 4182 um að skila þeim inn til Nathan & Olsen hf., Klettagörðum 19, 104 Reykjavík.

Innköllunin nær ekki yfir aðrar Neutral vörur.