Leiguverð hækkað um 37,7 prósent

Gríðarlega mikill munur er á milli hæsta og lægsta fermetraverðs sambærilegra leiguíbúðasamkvæmt könnun Neytendasamtakanna. Einnig er mikill munur á niðurstöðum samtakanna og meðalfermetraverðs samkvæmt þinglýstum samningum.

Þá lækkar verð á fermetra eftir því sem íbúðirnar stækka.

Samtökin könnuðu verð og framboð á íbúðum sem auglýstar voru til leigu þann 2. september. Eingöngu voru íbúðir á höfuðborgarsvæðinu skoðaðar, alls 192 talsins. Síðast gerðu samtökin sambærilega könnun í febrúar 2011.

Miðað við þessar niðurstöður segir á vef samtakanna að gera megi ráð fyrir því að fermetraverð segi ekki alla söguna. Það fari eftir ýmsum þáttum eins og staðsetningu og ástandi íbúðar.

Á töflunni sést að mikill munur er á milli hæsta og lægsta leiguverðs. Hæsta verð herbergisleigu var 80 þúsund krónur og það lægsta 25 þúsund krónur. Hæsta verð stúdíóíbúðar var 160 þúsund krónur og það lægsta var 75 þúsund krónur.

Með tilliti til sex herbergja íbúða var hæsta verð 350 þúsund krónur og það lægsta var 230 þúsund.

Mikill munur á fermetraverði

Miklu munar á milli meðalfermetraverðs, sem unnið er af Þjóðskrá úr þinglýstum samningum og á niðurstöðum Neytendasamtkanna. Mikill munur er á fjölda íbúða í úrtaki samtakanna og Þjóðskrár.

Sem dæmi má nefna að samkvæmt þjóðskrá er meðalfermetraverð stúdíóíbúðar í Reykjavík vestan Kringlumýrarbrautar og á Seltjarnarnesi 2791 króna, samkvæmt Þjóðskrá. Samkvæmt markaðskönnun Neytendasamtakanna er meðalverðið 3862 krónur.

„Hins vegar er munurinn það mikill að óhjákvæmilegt er að velta því fyrir sér hvort þinglýstir leigusamningar segi í raun alla söguna um verð á leiguhúsnæði, þó vissulega séu þeir eina tiltæka viðmiðið þegar kemur að því að greina leiguverð.“

Hækkað um 37,7 prósent

Þá segir í niðurstöðum Neytendasamtakanna að vísitala leiguverðs á höfuðborgarsvæðinu hafi verið 137,7 stig í júlí samkvæmt Þjóðskrá og hafði það þá hækkað um 9,3 prósent á tólf mánuðum. Á sama tíma hafi launavísitalan hækkað um 5,9 prósent og vísitala neysluverðs um 2,4 prósent.

„Samkvæmt þessu hefur leiguverð því hækkað um 37,7 prósent frá því í janúar 2011. Fram kemur í Hagtíðindum 2014:$ að 28,9 prósent þeirra heimila sem eru í lægsta tekjubilinu leigðu íbúðarhúsnæði árið 2013 og verður að segja að þann hóp munar um minna!“

Nánari upplýsingar um framkvæmd könnunarinnar og niðurstöður er hægt á sjá hér á vef Neytendasamtkanna.