Jaws látinn

Leikarinn Richard Kiel er látinn, hann dó í gær í Californíu og var 74 ára gamall.

Ekki er víst að allir þekki nafnið Kiel en allir aðdáendur heimsins þekktasta spæjara hennar hátignar þekkja manninn, þá sem risavaxna leikarann sem fór með hlutverk stálkjaftsins Jaws í tveimur James Bond-myndum.

Kiel birtist í The spy Who Loved Me árið 1977 og svo í Moonraker tveimur árum síðar. Þar beit hann í sundur stálkapla eins og um spahetti væri að ræða og velgdi Bond undir uggum, sem þá var túlkaður af Roger Moore. Þó Kiel hafi farið með ýmis önnur hlutverk var frammistaða hans í hlutverki hins illskeytta andstæðings Bonds svo eftirminnileg að hann var ætíð kenndur við þá persónu.